ROJNAMEY XEBAT 2010-05-10
Beyannameyek Le Berêweberayetî Asayîşî Kerkûk, Ser Be Ajansî Parastinî Asayîşî Herêmî Kurdistan.

Berêweberayetî Asayîşî Kerkûk ser be Ajansî Parastinî Asayîşî Herêmî Kurdistan beyannameyekî le barey rifandin û tîrorkirdinî Mihemed Şêx Tahîr Çoyse bilaw kirdotewe eme deqekeyetî:

Duway ewey rojî 26_4_2010 gencêkî temen (16) sal be nawî (Mihemed Şêx Tahîrî Çoyse) le şarî (Silêmanî) le layen girûpêkewe rifênira dwatir ew girûpe daway meblexî pênc sed hezar dolariyan le kesukarî derkird û kesukarî ew rifêndirawe amadey xoyan derbirî ke ew pareye bidene ew bande boye le rojî 6_5_2010 le şarî Kerkûk parekeyan teslîmî kesêk kird ke yekêk bû le endamanî ew bande le duway wergirtinî ew pareye le layen çend çekdarêkewe teqe lew kese dekirêt û dekujrêt we dest becê hêzekaniman twaniyan bigene şwênî rûdaweke we twaniyan rêgirbin lewey ke ew bire pareye û ew otombêle heman ew girûpey ke ew kureyan kuşt bîben.

Le duway lêkolînewe le layen hêzekanimanewe twanîman çend kesêk le endamanî ew girûpe û nasnamey kujraweke le şwênî rûdaweke dest nîşan bikeyn ke nawî (Q .R )bû eme le katêk da ke nasnamey pê nebû, herweha derkewt ke ew otombêley heman ew otombêleye ke ew genceyan pê rifand le şarî Silêmanî.

Lêkolînewe berdewame bo dozînewey endamanî dîkey bandeke we hemû layek agadar dekeynewe ke le rojanî dahatû da zaniyarî û wirdekarî ziyatir le ser ew bande be deng û reng bilaw dekeynewe.

Şayenî base le duway ew rûdawe be rojêk wate rojî 7 _ 5 _2010 ew gence le layen ew bandewe kujra.

Berêweberayetî Asayîşî Kerkûk ,

Ser Be Ajansî Parastinî Asayîşî Herêmî Kurdistan
9 _ 5 _ 2010

 
chapkrdn   Share GERANEWE‌