ROJNAMEY XEBAT 2010-05-10
Le Barey Tîrokirdinî Serdeşt Osmanewe, Asayşî Herêm Rûnkirdineweyekî Bilawkirdewe.

Le barey rûdawî tîrokirdinî rojnamenûs û Qutabî "Serdeşt Osman"ewe, Berêweberayetî Giştî Asayîşî Herêm rûnkirdineweyekî bilawkirdewe.

Le rûnkirdineweyek da ke Berêweberayetî Giştî Asayîşî Herêm derîkirdwe kuştinî Serdeşt Osman be hewlêk bo şêwandinî barî Asayîşî Herêm û karêkî tîroristiyane wesif kirawe û ke amanc lêyî zemîne xulqandine bo serxistinî ecênday siyasî neyaranî deselatî Herêm.

Le beşêkî rûnkirdinewekey Berêweberayetî Giştî Asayîşî Herêm da ewe hatwe: Le barey ew rûdawe we , wêray serkone û îdanekirdinî tundiman, hawilatiyanî azîzî herêm be giştî û Paytextî Herêm be taybetî dilniya dekeynewe ke her zû tîme taybetiyekanî asayş be hawkarî layene peywendarekan destiyan be lêkolînewe kirdwe bo aşkirakirdinî tawanbaran.

Nûsrawîşe, lêkolînewe lew core dosiyane katî gereke û be çend katijmêrêk be encam nageyenirêt.

Herweha le rûnkirdineweke da tîşk xirawete ser ewey ke hendêk layen weku ewey briyarî pêşwextiyan le ser rûdaweke dabêt emla û ewlayan tawanbarkirdwe, eweş keşêkî nalocîkiyaney xulqandwe bo ewey karîgerî nêgetîv le ser rewtî lêkolînewekan dirust biken.

Le rûnkirdinewekey asayşî da eweş hatwe: Ke"dawa lew layenane dekeyn eger wîst û xwastiyan cêbecêbûnî yasa û kurtkirdinî destî tîror û tawane, ba çawerwanî encamî lêkolînewekan biken, pêş rûdawekan nekewn".


 
chapkrdn   Share GERANEWE‌