ROJNAMEY XEBAT 2010-05-10
Serok Komar Kotayî Be Serdanekey Bo Misr Hêna û Gerayewe Bexda.

Dway serdanêkî dû roje, pêşnîweroy emro 10_5 Rêzdar Celal Talebanî Serok Komarî Iraqî Federal û wefdî yawerî, Qahîrey Paytextî Wilatî Misriyan be cêhêşt û berew Bexda berêkewtin.

Heriyek le Dr. Same Fehmî Wezîrî Newt ke nuwênerayetî (Husnî Mubarek) î Serokî Wilatî Misrî dekird, Ebdulhadî Fazil Helsurênerî Karubarî Balyozî Iraq le Misr, Dr. Mihemed Mistefa helsurênerî nuwênerayetî Iraq le Komkarî Wilatanî Erebî û jimareyek le berpirsanî dîkey wilatî Misr amadey merasîmî berêkirdinî Serok Talebanî û wefdî yawerî bûn.

Cêyî amajeye Serok Talebanî êwarey rojî şeme be serdanêkî dû roje geyşte wilatî Misr û le layen Dr. Ehmed Nezîf Serokî Encûmenî Wezîranî Misr pêşwazî lêkira, êwarey heman roj le dû kobûnewey ciyawaz da le gel heryek le Ehmed Ebulxêt Wezîrî Derewey Misr û Umer Mehmûd Silêman Berêweberî Dezgay Hewalgiryekanî Misr kobwewe.

Her le miyaney serdanekey da êwarey dwênê Serok Talebanî le Koşkî Komarî le şarî Nesr, le gel Husnî Mubarek Serokî Wilatî Misr kobwewe, nîweroy heman roj le gel Ehmed Nezîf Serok Wezîranî ew wilate kobwewe, êwarey heman roj le gel Emru Mûsa Emîndarî Komkarî Wilatanî Erebî kobwewe, herweha Serok Talebanî çawîşîkewt be jimareye le Balyozî Wilatanî Erebî û Nuwêneranî Hemîşeyî Komkarî Wilatanî Erebî, Serdanekeşî be kobûnewey le gel Farûq Husnî Wezîrî Roşinbîrî Misr kotayî pêhêna.

 
chapkrdn   Share GERANEWE‌