ROJNAMEY XEBAT 2010-05-17
Zubêr Resul: Goran nawçegerêtî dekat û lewêwe sukayetî û birîndarkirdinî şarekanî dîkeyan kirdote pîşe

Xebat: Aso Elî Ferec

Le katêkda emniyet û aramî Herêmî Kurdistan le saiyey şewnixunî û karameyî û lê hatuwî û dilsozî dezga emniyekan û be taybet Ajansî Parastinî Asayîşî Herêmî Kurdistan lew perî dilniyayiye û hemîşe hewle tîrorîstekan be destî em hêzane pûçel dekirêtewe, şehîdkirdinî qutabiyekî zanko le rûdawêk bo naşîrînkirdinî emniyetî Hewlêr paytext hemûyanî nîgerankird, belam le gel eweşda layenêkî rabirdû pir‮ ‬le xuwênawî wek newşîrwan û taqmekey hestan be tometbarkirdinî dezga emniyekanî kurdistan û hêrşkirdine ser serok barzanî û cenabî kak mesrûr barzanî berpirsî ajansî parastinî asayşî herêmî kurdistan, belam newşîrwan û taqmekey çak dezanin, xo taqîkirdinewe leberamber serok barzanî û kak mesrûr barzanî cge le şksthênaniyan hîçî dîkeyan bo namênêtewe‮.‬


şehîdkirdinî qutabiyek nabêt wek gemeyekî siyasî iyarî pêbikirêt wek ewey newşîrwan mstefa û taqmekey deyken, lem barewe Zubêr Resul mamostay zankoy Selaheddîn le kolêjî zaniste siyasiyekan amajey beweda, temaşay dinya bikeyn, heta Emerîka û Frensa û Brîtanya, ke xawenî gewretirîn dezgay hewalgirî û asayîşiyan heye û tîror û tawan le nêw şare gewrekaniyan rû dedat, çende saleha wilatin, emeş nakate ewey her rûdawêk ruwîda û bikirête keysêkî siyasî û biquzîtewe û bekarî bihênît, be dîwêk da nabêt her kesêk bikujrêt û layenêk bîkate dosyeyekî siyasî û gemey pêbikat, pêş ewey dijayetî bêt bo hizbêk yan layenêk, rastewxo dijayetiye be xudî rojnamenûsan, debuwaye rojnamenûsan û sendîkay rojnamenûsan û dezgakanî rageyandin helwêstiyan hebûwaye ew dosye nekirabayete gemeyekî siyasî û yarî pêbikirêt‮.‬

Ewaney bas le yasa deken, her ewanen xoyan pêş yasa kewtin û destî tometiyan bo layenêkî diyar, wate Partî Demokratî Kurdistan dirêj kird, belam Zubêr Resul mamostay zanko eme be şitêkî namenîqî dezanêt û pêwaye dosyeke aloztir dekat û gutî: Ewan bas lewe deken filan dezga yasayî niye û ewe yasayî niye, de buwaye xoyan pêş yasa nekewtibayen û kesîş tometbar nekirêt be heremekî, bo çî hizbêk tometbar dekirêt û dosyeke têkel deken û be yasa bêt ewa hikûmet berpirse û ewanîş xerîkî lêkolînewen.

Bizûtinewey Goran û xudî Newşîrwan Mistefa le çend şuwênêk da hêriş dekene ser şarekanî dîkey Kurdistan û le nawçegerêtî hêşta xoyan derbaz nekirduwe, Zubêr Resul way nîşanda, ewan şîkaliyetêkiyan heye û be taybetî Goran ke xoy le nawçeyek bestotewe û nawçegerêtî dekat û leweyewe sukayetî û birîndarkirdinî şarekanî dîke kirdote pîşey xoyan, pêmwaye ew yariye le xizmetî kes nabêt.

Serkewtinî Partî Demokratî Kurdistan le helbijardin şokî beçend layenêk pêşkeşkird, çon dilî xelkî Kurdistan xoş bû bew serkewtinane, bew şêweyeş hendêk layenî dîke destiyan kird be dijayetîkirdinî partî, Zubêr Resul mamostay zanko, berzbûnewey kêrvî partî bewe wesif dekat dujminanî tûşî şok kirduwe û gutî: Lem helbijardineda partî serkewtinî gewrey bedesthênawe û buwete hizbî yekem û kêrvekey le berzî daye û boye destiyan dawete dijayetîkirdinî partî.

Zubêr Resul wek mamostayekî le kolîjî zaniste siyasiyekan amaje bewe dekat, ew hewlane zor karîgerî xirapî debêt û Iraq le rewşêkî nasik daye û rewşî Kurdistanîş lew perî başî daye û pêwîst nakat dosyekî lem core be siyasî bikirêt û gutî: Ewey êsta dekirêt le ruwî siyasî û yasayiyewe ziyan degeyenêt û pêş yasa‮ ‬kewtin xirape û Iraq le doxêkî zor xirape û eger emeş berdewam bêt ewa karîgerî xirapî debêt û dosyeke be siyasî bikirêt ewa çend layenî dîke dest dexene naw ew rewşewe û be dûrî nazanim eger wa birwat ewan berdewambin le birîndarkirdinî layenekan ewa destî derekî bête naw rewşekewe.

Bilindgo narastekanî Newşîrwan destiyan dawete ewey ke filane dezga yasayî niye û bas le yasa deken, ke çî xoyan pêş yasa dekewin û tomet dirust deken, mamostakey zankoy Selaheddîn lew bareyewe gutî: Ajansî Parastinî Herêmî Kurdistan û Serokayetî Herêmî Kurdistan û Wezaretî Nawxo ewane hemuwî dezgay yasayîn û emniyet û aramî û hêmnî Kurdistan deparêzin.

Le beyannamekey mektebî siyasî Partî Demokratî Kurdistan xalêkî zor giringî têdaye, ke bo xoy beşêke le prensîpî partî û karkirdin be yasa û serwerî yasa be erk dezanêt û pena bo yasa debat, le bare kulturî penabirdine ber yasa Zubêr Resul em kulturey be şitêkî baş wesif kird û gutî: Partî ke pena bo yasa debat, eme hoşyarî yasayiye û xelkî ême kem em hoşyariyaneyan heye û emeş ke partî deykat pabendbûnî em hizbeye bo yasa û fêrkirdinî xelke le ser kulturî penabirdine ber yasa, ewey êsta deyken rageyandinekan berastî heleye û yasayî nîn.

Le kotayî dîmanek da Zubêr Resul mamostay zanko amajey bewe kird, Serok Mesûd Barzanî le nawçeke le astêk daye hisabî taybetî bo dekirêt, boye ewan destiyan kirdote hêrişkirdin bo ser serok û partî û dezga emniyekan û gutî: Partî û cenabî Serok Barzanî le nawçeke le astêk daye hesabî bo dekirêt û sengî heye. Serokî Kurdistan wek remzêkî neteweyî û Serokî neteweyî û nuwênerî Kurde û ême debêt kar bikeyn le pênaw xizmetkirdinî nek hewldan bo naşîrînkirdinî egerçî natwanrêt, ême êsta le bunyadnanewey kiyanêkî neteweyîn le ser destî kak Mesûd Barzanî, bo Kurd carêkî dîke serkirdeyekî wa karêzma dirust nabêtewe.

 
chapkrdn   Share GERANEWE‌