ROJNAMEY XEBAT 2010-05-22
Serok Barzanî: Eger sîstemêkî sertapagîr û merkezî bisepênrêt, Iraq parçe parçe debêt

Le dîmaneyek da legel rojnamey "El Heyat"î Londonî, Serokî Kurdistan Mesûd Barzanî raygeyand, eger sîstemêkî sertapagîr û merkezî be ser Iraq da bisepênrêt, yaxud sîstemêkî tayfî û nejadî bisepênrêt, Iraq parçe parçe debêt.

Serok Barzanî carêkî dîke daway kird sîstemî federaliyet le gişt Iraq da cêbecê bikirêt, utîşî: Ew kate sunekan detwanin le herêmêk ziyatiriyan hebêt, şî'ekanîş be heman şêwe, belam debêt sunekan azadî zoriyan pêbidrêt weku Herêmî Kurdistan, Bexdaş paytextî hemûwan debêt.

Eweşî xiste rû ke le xwêndinewe bo encamekanî helbijardinî emcare derdekewêt ke cîge le Bexda ke danîştwanekey têkeleye, sunekan dengiyan be sunine dawe û şî'ekanîş bo şî'e û Kurdîş bo Kurd, utîşî: Nawî kesêkî şî'em bidenê ke le Enbar derçubêt, yaxud Suniyek ke le Amare derçubêt ya Kurdêk ke le nawçeyekî Erebî û Erebêk le nawçeyekî Kurd derçubêt, ewe waqî ekeye.

Her weha Serok Barzanî raygeyand, xoşhale be pêşkewtinî peywendiyekan le gel Turkiya û serdanî wezîrekanî ew wilate bo Herêmî Kurdistan.

Le dîmaneke da Serok Barzanî raygeyand, ew xoşhale be pêşkewtinî peywendiyekan le gel Turkiya û serdanî wezîrekanî ew wilate be taybetî Wezîrî Derewe "Ahmed Dawudoxlu, utîşî: Bem zuwane weku Serokî Herêmî Kurdistan serdanî Turkiya dekem.

Le barey Suriyaşewe Serokî Herêm raygeyand, le serdemî "Hafiz Esed" da, peywendiyan le gel ew da lewperî pitewî da buwe, belam le 2003 we nîmçe sekteyek kewtote peywendiyekanewe, utîşî: Suriyekan çend carêk dawayan kirdûwe weku Serokî Partî Demokratî Kurdistan serdanî ew wilate bikem, belam min retim kirdotewe çunke demewêt weku Serokî Herêmî Kurdistan sefereke bikem.

Le barey Îranîşewe bêzarî xoyî le bordûmanî topxanekanî ew wilate û Turkiya derbirî ke be biyanuwî bûnî çekdarewe, nawçe sînuriyekanî Herêm borduman deken.

Serok Barzanî cextîşî leser giringî peywendî nêwan Herêm û wilatanî dirawsê kirdewe.

Le beşêkî ew dîmaney ke rojnamey Heyat le gelî da encam dawe, Serokî Kurdistan raygeyand: Her le serdemî encumenî hikumewe ta êsta nermîman le barey meseley Kerkuk niwanduwe û lemeş ziyatir nakirêt.

Serokî Kurdistan gutîşî: Çareserêkî destûrî bo meseley Kerkûk heye, ke asayî kirdinewe û serjimêrî û rapirsiye, hawkat eweş bew manaye nayet ke Kerkûk le Iraq ciya debêtewe, belku Kerkûk wek şarêkî Iraqî demênêtewe, wek Hewlêr û Silêmanî û Enbar û Besre, belam çareser kirdinî, yarmetî çaresekirdinî kêşe dirêjxanekan dedat û lemper le berdem pêşkewtinî Iraq la dedat.

Barzanî gutîşî: Meseley cêbecê kirdinî maddey 140 rûne û pêwîste be guwêrey destûr çareser bikirêt, daway hîç çareserêkîş nakeyn, ke le derewey destûr bêt.

Serokî Kurdistan hemû layekî dilniya kirdewe, ke ewperî nermî denuwênin le dabeşkirdinî poste îdariyekanî ew şare, belam pêwîste nasnamey Kerkûk layen danîştûwanî Kerkûk biryarî le ser bidrêt.

Hawkat gutîşî: Hemû rastiye mêjuwî û cografiyekan dûpat le ser ewe dekenewe, ke Kerkûk beşêke le Herêmî Kurdistan, nasnamey ew şare sazîşî le ser nakirêt

 
chapkrdn   Share GERANEWE‌