ROJNAMEY XEBAT 2010-05-24
Elawî: Merce'iyetî Şî'e Le Gel Ewedaye Hikûmetêk Pêk Bihênrêt Ke Hîç Layenêkî Têda Perawêz Nexirêt.

Eyad Elawî Serokî Lîstî Iraqiye paş ewey le şarî Necef be Serokayetî şandêkî Iraqiye le gel Seyd Elî Sîstanî Merce'î Şî'ekanî Iraq kobuwewe le zarî Sîstaniyewe raygeyand ke ew be yeksanî temaşay hemû lîste siyasiyekan dekat û dûpatî dekatewe ke pêkhênanî hikûmet pêwendî be hêze siyasiyekanewe heye û pêwîste le rêgey diyalogewe pêkî bihênin.

Lew ruwewe Elawî le kongireyekî rojnamewanî da raygeyand ke Merce'î Şî'ekanî Iraq bo şandî Lîstî Iraqiyey dûpat kirduwetewe ke ew be yeksanî temaşay hemû lîste siyasiyekan dekat û amajey beweyş kird ke Merce'î Şî'ekan birway waye çareserkirdinî kêşe siyasiyekan lewaneş kêşey pêkhênanî hikûmetî nuwê le rêgey diyalogî nêwan lîstekanewe debêt.

Rûnîşî kirdewe Sîstanî pêdagîrî le ser ewe kird ke pêwîste pêkhênanî hikûmet bew şêweye bêt hîç pêkhateyek perawêz yan pişt guwê nexirêt. Elawî gotîşî ke ew pêdagîrî le ser kobûnewe le gel Nûrî Malikî Serokî Lîstî Dewletî Yasa dekat û rûnî kirdewe ke renge ew kobûneweye bibête hoy çareserkirdinî kêşe û lemperekan ewaney rê le pêkhênanî hikûmet degrin.

Sîstanî dawayşîkirduwe hikûmetêk pêk bihênrêt hemwan beşdarî têda biken bê ewey hîç layek pişt guwê bixrêt yan dûr bixrêtewe.


 
chapkrdn   Share GERANEWE‌