ROJNAMEY XEBAT 2010-05-25
Serok Barzanî salyadî helgîrsanî şorişî Gulan pîroz dekat

Be boney 34 emîn salyadî helgîrsanî şorişî Gulanî pîroz, berêz Mesûd Barzanî, Serokî Herêmî Kurdistan pîrozbayî arastey Pêşmerge giyan le ser destekanî ew şorişe kird, emeş deqî pîrozbayiyekeye:

Be nawî xway mezin û dilovan

Be boney 34 saley helgîrsanî şorişî Gulanî pîrozewe, silaw û rêzêkî bê‌ payan arastey hemû ew Pêşmerge giyan le ser dest û dilêr û azayane dekem ke roliyan lew şorşe pir destkewtey gelekeman hebuwe, ke duway planekey Cezayîr û wek dirêje pêderî şorişî mezinî eylûl bilêsey daw neyhêşt karwanî xebat rabiwestê‌ û bem hestanewe û hengawe giring û mêjuwiyeş plan û meramekanî dujminan le goranra û hîwa û umêd bo dil û derûnî gelekeman gerayewe, ew xebatey ke raperîne mezinekey beharî salî 1991 î lê‌ kewtewe, ke berhemekey azadî gel û nîştiman û damezrandinî Parleman û Hikûmetî Herêmî Kurdistan bû.

Şorişî Gulan xawen dastanêkî zore ke le mêjuwî gelekeman da qursayî û karîgerî û rehendî siyasî û neteweyî û xebatgêrî xoyan heye ke be hoyanewe twanra kêşey reway gelî Kurdistan bigeyenrête qonaxêkî pêşkewtûtir û bo dujminanîş selmênra ke hîç gelekomew plangêriyek natwanê‌ dengî reway mîlletekeman kip bikat û îrade polayniyekey têk bişkênê.

Emro le katêk da yadî ew şorişe pîroze dekeynewe, hatine dî amancekanî be çawî xoman debînîn û serberzîşîn bew destkewtaney ke hatûnete dî ke umêd û xewnî têkoşeranî dêrînî gulan û belge û mayey dilnewayîşe ke xwênî pîrozî şehîdan û manduwî têkoşeran û awareyî û meynet dîdeyî mîlletêk qet be fîro neçuwe û le xebatî bêwçanîş da debîn bo be desthênanî destkewtî tir, be taybetî bedî hênanî mafe destûriyekan, le seruwî hemuwiyanewe cêbecêkirdinî maddey 140 ke debête mayey seqamgîrî û tebayî û pêkewe jiyan, ke emeyîş pêwîstî be îradeyekî yekgirtû heye, boye pêwîste le ser gelî Kurdistan be gişt pêkhate neteweyî û ayînî û mezhebî û layene siyasiyekaniyewe le astî berpirsiyarêtî mêjuwî xoyan bin û be yek helwêst bergirî lew destkewtane biken.

Dirud bo giyanî pak û ruwey zînduwî yekem şehîdî gulan Seyîd Ebdulla û hemû şehîdanî ew şorişe û sercem şehîdanî Kurd û Kurdistan û silawî taybetîş bo xanewade serberzekaniyan.

Mesûd Barzanî

25 Ayarî(Gulan) 2010

 
chapkrdn   Share GERANEWE‌