ROJNAMEY XEBAT 2010-05-29
Ziyatir le 6 Milyar Dînar Le Bankêkî Necef Dizra.

Duwênê heynî Lwey Yasirî Serokî Lîjney Emnî le Encûmenî Parêzgay Necef le "Someriye news"î raygeyand: Duwa nîweşewî pênc şeme Bankî Rafîdeyn le nawçey Mişxabî parêzgake rûberuwî pelamarêkî dizîkirdin buwewe û ziyatir le 6 milyar dînarî dizrawe.

Yasirî gotî: Duway nîweşewî pênc şeme girupêkî çekdar heliyankutawete ser Bankî Rafîdeyn le nawçey Mişxabî parêzgake û twanîwyane 6 milyar û 500 milyon dînarî Iraqî bidzin.

Gotîşî: Dezga emniyekan çend seredawêkiyan dest kewtuwe sebaret be dizyeke û lêkolînewekan berdewamin bo dozînewey ew girupey ew kirdeweyan encam dawe.

Nawbiraw eweşî xisterû ke be pêyî zaniyariye seretayiyekan diziyeke le layen çend pasewanêkî bankekewe planî bo darêjrawe û encam dirawe, lêkolîneweş berdewame.

Hawkat şayethalêk le nahiyey Mişxab raygeyand ke hêze emniyekan sercem rêgekanî bankekeyan daxistuwe û rêgeşiyan le hatuçoy Otombêl le nawewe bo derewe û le derewe bo nawewey nahiyeke girtuwe.


 
chapkrdn   Share GERANEWE‌