ROJNAMEY XEBAT 2010-05-29
Le Hîndistan Pêkdadanî Dû Şemendefer Deyan Kujrawî Lêkewtewe.

Pêkdadanî dû şemendefer le Hind 65 kujra û 200 birîndarî lêkewtewe ke birînî hendêkiyan sexte.

Be pêyî hewalêkî BBC, le pêkdadanî em dû şemendefere le Wîlayetî "Bengalî Rojawa", teqîneweyekî gewre ruwî dawe ke bote hoy em rûdawe.

Polîsî em wîlayete, çekdaranî mawîstî lem rûdawe be berpirsiyar zanîwe.

Em pêkdadane katêk ruwî da ke şemendeferêkî neferhelgir le "Kelketh" berew "Kurla" nzîk "Mombay" deroyşt û be hoy teqîneweyek le hêlekey wederkewt û şemendeferêkî barhelgir le beranberewe xoy pêdada.

Hêzekanî firyakewtin taku êstaş xerîkî derhênanewey ew kesanen ke le naw qetar gîriyan xwarduwe.

Ew şuwêney rûdawekey lê rûdawe, binkey çekdaranî mawîste û polîs delêt, ewan destiyan lem teqînewe da hebuwe. Polîsî hînd maweyeke hewlekanî xoy bo derkirdinî çekdaranî mawîst le darestanekanî nawçeke, çirtir kirdotewe.

Le baranberîş da, mawîstekan hêrişekanî xoyan zortir kirduwe û hêriş dekene ser binekekanî polîs û bîna hikumiyekan û wêstgey şemendeferekan.

Mawîstekan delên, bo mafî em çîne hejarey hikûmetî feramoşî kirdûn, xebat deken.

 
chapkrdn   Share GERANEWE‌