ROJNAMEY XEBAT 2010-06-01
Ebdulselam Berwarî: Her kesêk bangeşey azadî û bîr û ray azad bikat, debêt dilxoş bêt, ke

Ebdulselam Berwarî: Her kesêk bangeşey azadî û bîr û ray azad bikat, debêt dilxoş bêt, ke Serokî Kurdistan cext le ser prensîpî azadî dekat

Xebat - Aso Elî Ferec:

Utarekey Serokî Kurdistan le berdem Perlemanda, cîge le xistineruwî sefere çawerwankirawekey bo Turkiya û Frensa barudoxî siyasî û rewşî girjiyekanî medyayî rûnkirdewe û endamanî Perlemanîş pêyan waye Serok Mesûd Barzanî cextkirdinewe û dûpatkirdinewey nîşandawe le beramber prensîpî azadî û azadî raderbirîn, ke guncawe le gel prensîpe nêwdewletiyekan, her wek Ebdulselam Berwarî Endamî Perlemanî Kurdistan lem dîmaneye amajey pêdawe, her layen û kesêk ew utarey Serok Barzanî le ser xoy hesab bikat, bêguman niyaziyetî emniyet û seqamgîrî Herêmî Kurdistan têk bidat.

Wek rûnkirdineweyek le mer nawerokî utarekey Serok Barzanî le Perlemanî Kurdistan, Ebdulselam Berwarî helwestey le ser ewekird, Serok Barzanî dû xalî giringî bo Perlemantaran baskird û têda seferekey Turkiya û Frensa û programî ew seferaney şîkirdewe. Wek Berwarî amajey pêkird, ew danîştiney Perleman le ser daway cenabî Serok Mesûd Barzanî Serokî Kurdistan bû, wek xoy amajey pêda dewîst dû xal bo nuwêneranî xelk le Perleman rûn bikatewe, yekemîn care Serok pêş seferkirdinî bo derewe programî sefereke û giringiyekey baskird, çunke yekemcare Turkiya wek Serokî Kurdistan dawetî Serok Barzanî kirduwe, eme bêguman le katêk da dêt gorankarî îcabî le siyasetî Turkiya rû deda, eger bîrman bêt pêştir Turkiya hereşey leşkirkêşî bo ser Herêmî Kurdistan hebû, çend salêk pêş êsta înkarî bûnî Kurdî dekird, belam emro siyasetî Turkiya gorawe û wek Serokî Kurdistan be fermî bangehêşt dekat.

Perlemantaran aşnayetiyan bewe heye le katî hatine pêşewey her pirsêkî netewey û siyasî Serok Barzanî le berdem Perleman wek balatirîn deselat le Herêmî Kurdistan şîkirdinewey barudoxî siyasî Herêmî Kurdistan dexate rû. Berêz Ebdulselam Berwarî lem bareyewe ewe be Xebat rageyand, wek hemûman çawerwan buwîn le rêgay hatinî Serok bo Perleman peyamêkî hebêt bo xelkî Kurdistan, wek Serokî Kurdistan le nêw baskirdinî prosey siyasî Iraq û barudoxî Kurdistan, cenabî Serok Barzanî amajey bew girjiyey rageyandin û ew helwêstaney rageyandinî kird le çend heftey rabirdû ruwiyanda, Serok basî prensîpêkî kird, ke yekêke le prensîpiyekanî mafî mirov û prensîpe nêwdewletiyekan, ewîş çon mamelekirdine le gel azadî, amajey beweda le Kurdistan seqamgîrî û asayîş heye û cêgay destxoşiye û ew wek Serokî Kurdistan berpirsiyare le parastinî asayîş û hêmnî, eger rûdawekey şehîd bûnî qutabî Serdeşt rûdawêkî zor naxoş bû, Serok amajey beweda lêkolînewe bikirêt û tawanbaranîş bidrêne dadga.

Şehîd kirdinî qutabiyek bo hemû layek cêgay nîgeranî bû, belam nîgerantir lewe hendêk layen leseretay rûdawekewe wîstiyan xwênî ew qutabiye bazirganî pêwe biken û muzayede le ser emniyetî Herêmî Kurdistan biken, be boçûnî berêz Berwarî pêywaye cextkirdinewey Serok Barzanî be erkî hikûmet, hemûman degirêtewe û pêwîste mameleyekî dirust bikeyn le gel rûdawekan û lew bareyewe gutî: Ewey cêgay nîgeranî bû le yekem rojî şehîdkirdinî qutabiyek kesanêk wîstiyan bazirganî be xwênî ew gence biken û bê binema û bê belge tomet bidene pal dezga emniyekan û layenekanî Kurdistan û be mebestî têkdanî mitmaney nêwan xelk û dezgay asayîş, Serok Barzanî pirsiyarî kird le berjewendî kêdaye asayîşî Herêmî Kurdistan têkbiçêt, bêguman Serok le utarekey da amajey be nawî hîç layenêk nekird tenya prensîpêkî giştî bû, azadî reha nakirê be biyanuwî ewey azadî layenekanî dîke pêşêl bikirêt, giringiyekey leweda bû ke dûpatîkirdewe, îdî le mewdwa wek hikûmet bewe hestîn rêgenedeyn kes te'da le azadî xelk bikat.

Azadî yekêk bû lew teweraney Serok Barzanî amajey pêda û cextî le ser eweş kirdewe, nabêt azadî reha bibête hoy pêşêlkirdinî azadî layen û xelkî dîke. Ebdulselam Berwarî lem bareweyewe helwesteyekî kurtî kird û gutî: Be xwêndinewey min em utarey Serok Barzanî cextkirdineweye le prensîpêkî nêwdewletî û her kesêk bangeşey azadî bikat û daway azadî bîrura bikat, debêt dilxoş bêt, ke Serokî Kurdistan cext le ser prensîpî azadî dekatewe.

Serok Barzanî wek hemîşe ew peyamey be xelkî Kurdistan rageyand, le hîç layen û kesêk qebul nakirêt, emniyet û aramî û barî seqamgîrî Herêmî Kurdistan têkbidat, le gel emeş da nawî hîç layenêkî nehênan, belam ewaney gumaniyan le ser xoyan dirust kird, nîşanî ewe deden be niyazin ew kare biken, boye berêz Berwarî amajey bew layeney kird û pêywaye, pêwîst bû hemû layenekanî beşdar buwî prosey siyasî Herêmî Kurdistan ew helwêste binuwênin, ke yasa baladest bêt û gutî: Pêm waye her layenêk le Kurdistan û derewey Kurdistan ew utey Serok Barzanî le ser xoy hesab bikat, xoy dexate ew xaneyewe ke be niyaze ya asayîş û seqamgîrî Kurdistan têk biden, pêwîst bû le ser hemû layene Kurdistaniyekan ewaney le prosey siyasî beşdarin çi le hikûmet çi le Perleman ewan helwêstiyan bo piştgîkirdinî baladestî yasa bêt. Min çawerwan bûm hemû dezgakanî rageyandin û hemû ewaney bangeşey azadî deken, destxoşî le ew helwêstey Serok Barzanî biken, ke derbirî binemakanî mavî mirov û yasay nêwdewletîn.

Ebdulselam Berwarî le beşî kotayî dîmanekeda amajey bewe kird, opozîsyon le Kurdistan sawaye û xelkî Kurdistanîş hoşyare û têdegat hendêk helwêst natwanêt karîgeriyan le ser dirust bikat, Berwarî amajey bewe layene kird û gutî: Ême aşnayîn be helwêstekanî Serok Barzanî le xulekanî pêşuwî Perlemanîş her katêk pêwîst bûbêt hatote berdem nuwêneranî xelk û peyamî xoy nîşandawe, bêguman hele deken ew kesaney ke opozîsyon dijayetîkirdinî sîsteme û tenya naşîrînkirdinî hemû şitêke, opozîsyon le sîstemî demokrasî beşêke le sîstemî siyasî, opozîsyon çi le naw Perleman çi le derewe yekêke le yariyekanî demokrasî. Bo ye tesewir dekem ew helwêstane nîşaney ewen opozîsyon sawaye û katî pêwîste taku eday xoy çak bikat û le kotayîş da xelkî ême hoşyare û zor nehametî dîwe û xelkanêk ba eweş bizanin xelkî ême têgeyîştuwe û be helwêstêk natwanêt karîgerî bixene seriyan.

 
chapkrdn   Share GERANEWE‌