سه‌عدی پیره‌: به‌ره‌ی دژی ریفراندۆم به‌ مردوویی له‌ دایكبوو
ئومێد خۆشناو،هه‌ندێك نه‌زان و ناتێگه‌یشتوو بانگه‌شه‌ی دژه‌ ڕیفراندۆم ده‌كه‌ن
هەفتەی داهاتوو مووچەی بەشێکی زۆری وەزارەت و دامەزراوەکان دابەش دەکرێت

PDF Newspaper
Issue :
5317
Date:
2017-07-27
زیاتر بخوێنه‌وه‌

یه‌كێتی هاورده‌و هه‌نارده‌كاران: هیچ وڵاتێک دەرگای سنوور لەسەر هەرێم داناخات

یه‌كێتیی هاورده‌ و هه‌نارده‌كارانی كوردستان له‌ سلێمانی، ئاشكرای كرد، هیچ وڵاتێك دەرگا له‌سه‌ر هه‌رێمی كوردستان داناخات، چونكه‌ وڵاتان له‌و سنوورانه‌دا كه‌ هاورده‌ و هه‌نارده‌یان تێدا دەکرێت، به‌رژه‌وه‌ندییان ‌له‌ هەرێمی کوردستان زیاتره.
له ‌كۆنگره‌ رۆژنامه‌وانیدا شێخ مسته‌فا، سه‌رۆكی یه‌كێتیی هه‌نارده‌ و هاورده‌كارانی كوردستان رایگه‌یاند، نرخی هیچ خۆراكێك له‌ بازاڕدا گران نه‌بووه‌، له‌ ڕۆژانی ئایندەدا‌ خۆراكێكی زۆر له‌ مادده‌ی جۆراوجۆر هاورده‌ی كوردستان ده‌كرێت، به‌تایبه‌ت برنج.
شێخ مستەفا گوتیشی، ئه‌و لێدوانه‌ی چه‌ند ڕۆژی ڕابردوو دابوومان له‌سه‌ر پڕكردنی كۆكاگان له‌ خۆراك، له ‌لایه‌ن بازرگانانه‌وه‌ به‌هه‌ڵه‌ لێک دراوەتەوە.
سه‌رۆكی یه‌كێتیی هاورده‌ و هه‌نارده‌ی كوردستان ئاماژه‌ی به‌وه‌ش كرد، هاونیشتمانیان دڵنیا ده‌كه‌ینه‌وه، نه‌ سنووره‌كان داده‌خرێن، نه‌ هیچ مادده‌یه‌كی خۆراكی گران ده‌بێت، بگره‌ هه‌رزانتریش ده‌بێت.
ئه‌وه‌شی خسته‌روو كه‌ داوامان له ‌بازرگانان كردووه ‌كه‌لوپه‌لی زیاتر هاورده‌ بكه‌ن، به‌تایبه‌ت کە به‌ره‌و جه‌ژنی قوربان ده‌ڕۆین و به‌و بۆنه‌یه‌شەوە له‌ ڕۆژانی ئاینده‌دا كاڵایه‌كی زۆر هه‌نارده‌ی كوردستان ده‌كرێت و ده‌خرێته‌ بازاڕه‌وه،‌ ناشبێت هیچ بازرگانێك كاڵا له‌ عه‌مباره‌كانیدا هه‌ڵبگرێت.

واشنتن سزا به‌سه‌ر 18 گرووپ و كه‌سایه‌تی ئێرانیدا ده‌سه‌پێنێت

وه‌زاره‌تی گه‌نجینه‌ی ئه‌مه‌ریكا، سزای ئابووری به‌سه‌ر 18 گرووپ و كه‌سایه‌تی ئێرانیدا سه‌پاند، كه‌ هه‌ندێكیان په‌یوه‌ندییان به‌ چالاكی و به‌رنامه‌ ئه‌تۆمییه‌كانی تارانه‌وه‌ هه‌یه‌.
به‌ گوێره‌ی میدیاكانی ئه‌مه‌ریكا، سه‌پاندنی ئه‌و سزا ئابوورییه‌ نوێیانه‌، به‌ هۆی به‌رده‌وامبوونه‌ به‌ په‌ره‌پێدانی مووشه‌كه‌ بالیستییه‌كان له‌لایه‌ن ئێرانه‌وه‌.
وه‌زاره‌تی ده‌ره‌وه‌ی ئه‌مه‌ریكا له‌ راگه‌یه‌ندراوێكدا، دووپات له‌وه‌ ده‌كاته‌وه‌، به‌ هیچ شێوه‌یه‌كی رێگه‌ناده‌ن ئێران ببێته‌ خاوه‌نی چه‌كی ئه‌تۆمی و نابێت چیدیكه‌ تاران به‌رده‌وامی به‌ تاقیكردنه‌وه‌ و په‌ره‌پێدانی مووشه‌كی بالیستی بدات.
وه‌زاره‌تی ده‌ره‌وه‌ی ئه‌مه‌ریكا، هاوكات ئێران به‌وه‌ تۆمه‌تبار ده‌كات، كه‌ به‌رده‌وام چه‌ك و ته‌قه‌مه‌نی به‌ حووسییه‌كانی یه‌مه‌ن داوه‌ و ئه‌و كه‌مینه‌ شیعه‌یه‌ له‌ یه‌مه‌نه‌وه‌ به‌ چه‌كی ئێرانی، په‌لاماری سعوودیه‌ ده‌ده‌ن.
به‌ گوێره‌ی راگه‌یه‌ندراوه‌كه‌، ئێران پاڵپشتی میلیشیاكانی عێراقی كردووه‌ كه‌ منداڵان ده‌هێنێته‌ ریزه‌كانی خۆیان و چه‌كدارییان ده‌كه‌ن.

K24

سه‌ید حامد موسه‌ویان: ئه‌و هه‌موو ده‌سكه‌وته‌ی یانه‌ی خانزاد له‌م ماوه‌ كورته‌دا زۆر سه‌رسامی كردم

هاوار مورتكه‌یی

چوارشه‌ممه‌ی رابردوو 19/7/2017 له‌رێگای فرۆكه‌خانه‌ی هه‌ولێره‌وه‌، دوو راهێنه‌ری نێوده‌وڵه‌تی ئێرانی گه‌یشتنه‌ یانه‌ی شه‌تره‌نجی خانزاد، كه‌ له‌سه‌ر ئه‌ركی د. شاكر ئه‌حمه‌د سمو به‌ڕێوه‌به‌ری گشتی وه‌رزش و لاوان هاتوونه‌ته‌ كوردستان و بۆ ماوه‌ی 10 رۆژ راهێنان به‌ تیپه‌كانی تازه‌پێگه‌یشتووان و لاوان و پێشكه‌وتووان ده‌ڵێنه‌وه‌، و له‌هه‌مان كاتیش چه‌ند موحازه‌ره‌یه‌كی بۆ راهێنه‌رانی یانه‌ی خانزاد هه‌یه‌ له‌ رووی شێوازی راهێنان به‌گشتی.
یارییه‌كی نمایشی
سه‌ید حامد موسه‌ویان كه‌ راهینه‌ری پێشووی هه‌ڵبژارده‌ی لاوانی ئێران بووه‌ له‌گه‌ڵ خانمی میهرنووش رۆژانه‌ راهێنان به‌ شه‌تره‌نجزانانی یانه‌ی خانزاد ده‌ده‌ن و ئاشنایان ده‌كه‌ن به‌ شاره‌زایی شه‌تره‌نجی قوتابخانه‌ی رشت.
له‌یه‌كه‌م رۆژی گه‌یشتنیشیان به‌ ئاماده‌بوونی دلزار حه‌مه‌ساڵح سه‌رۆكی یانه‌ی خانزاد له‌ هۆڵی یانه‌ دوو یاریی نمایشی گروپ بۆ هه‌ردوو راهێنه‌ر  له‌گه‌ڵ یاریزانانی یانه‌ی خانزاد رێكخرا كه‌ هه‌ر گرووپه‌و له‌ 13 یاریزان پیكهاتبوو، ئه‌مه‌ش وه‌ك ده‌ستپیكێك له‌ به‌رنامه‌ی راهێنان و هه‌روه‌ها له‌ زانیاری وه‌رگرتن له‌ تواناكانی یاریزانان.
له‌نزیكه‌وه‌ ده‌سكه‌وته‌كانم بینی
له‌ لێدوانێكی تایبه‌تیشدا سه‌ید حامد موسه‌ویان گوتی: ئه‌مه‌ یه‌كه‌مجارمه‌ دیمه‌ هه‌ریمی كوردستان و یانه‌ی خانزاد ده‌بینم، لێره‌ پێشوازییه‌كی گه‌رمیان لێكردم و له‌نزیكه‌وه‌ ده‌سكه‌وته‌كانی ئه‌و یانه‌یه‌م بینی