ئەمەریكا و بەریتانیا هێزی زیاتری سەربازی رەوانەی عێراق دەكەن
تاریق گەردی: گەرەنتی نییە عێڕاق بە ھەر ڕێککەوتنێکەوە پابەند بێ
سوپاى رژێمى سوریا ته‌واوى گه‌ڕه‌كه‌كانى حه‌له‌بى كۆنى كۆنترۆڵ كرد

PDF Newspaper
Issue :
5168
Date:
2016-12-08
زیاتر بخوێنه‌وه‌

منداڵی شەهید و ئەنفالكراو و زیندانیانی سیاسی، لە پارەی خوێندنی ئەهلی و حکوومی بەخشران

 حكوومەتی هەرێمی كوردستان  بڕیاری دا، سەداسەدی پارەی خوێندن لەجیاتی منداڵانی شەهید و ئەنفالكراوان و منداڵێکی زیندانییە سیاسییەکان  بدات لە سەرجەم ناوەندە ئەهلی و حكوومییەكاندا .
بەگوێرەی بڕیارێک کە واژۆی (نێچیرڤان بارزانی) سەرۆکی حکوومەتی هەرێمی کوردستانی بەسەرەوەیە و لە ٥-١٢-٢٠١٦ دەرکراوە، حکوومەت بڕیاری دا بە دانی پارەی دیاریکراو بۆ منداڵانی شەهید و ئەنفالکراو و هەروەها منداڵێکی زیندانییە سیاسییەکان.

وتەبێژی وەزارەتی کارووباری شەھیدان و ئەنفالکراوان (فواد عوسمان) بە ماڵپەڕی فەرمیی پارتی دیموکراتی کوردستانی گوت، پێشتر ئەو بڕیارە هەبوو، بەڵام کۆی زانکۆ و قوتابخانە حکوومی و ئەهلییەکانی نەدەگرتەوە.
بە گوتەی گوتەبێژی وەزارەت، لەسەر پێشنیازی وەزارەتی کاروباری شەھیدان و ئەنفالکراوان، حکوومەتی ھەرێمی کوردستان بڕیاری دا بە بەخشینی گشت قوتابی و خوێندکارانی شەھیدان و ئەنفالکراوان و منداڵێکی لە زیندانە سیاسییەکان دەگرێتەوە کە لە سەرجەم قۆناغەکانی خوێندن لە ناوەندەکانی خوێندنی (ئەھلی حکصومی) دەخوێنن بە ڕێژەی(%١٠٠).

كۆبوونەوەی پەرلەمانی عێراق بۆ رۆژی چوارشەممەی داهاتوو دواخرا

 سەرۆكایەتی پەرلەمانی عێراق كۆبوونەوەی تایبەت بە تاوتوێكردنی پرۆژە یاسای بودجە بۆ رۆژی چوارشەممەی داهاتوو دوا خست. پاش ئەوەی كە دانیشتنی رۆژی یەكشەممەی پەرلەمانی عێراقی بۆ دەنگدان لەسەر پرۆژەی یاسای بودجە تا نزیكەی كاتژمێری 12 شەوی رابردوو بەردەوامبوو، بۆ دوێنێ دووشەمە دواخرابوو. لە دانیشتنەكە یەك شەممەی پەرلەمانی عێراق مادەكانی تایبەت بە نەوت و بەشەی بودجەی هەرێمی كوردستان پەسندكران و حكومەتی هەرێمی كوردستان پابەندكرا بە رادەستكردنی رۆژانە 300 هەزار بەرمیلی نەوتی كەركوك و 250 هەزار نەوتی هەرێم بە كۆمپانیای سۆمۆ لە بەرامبەر وەرگرتنی 17% بەشە بودجەی هەرێمی كوردستان. لە مادەیەكی دیكەدا پێدانی شایستە داراییەكانی پێشمەرگە خراوەتە ئەستۆی وەزارەتی بەرگری عێراق كە پێویستە مووچەی هێزەكانی پێشمەرگە بدات.

نزار‮ ‬غەزالی‮ ‬و سەردار ئیسماعیل پلەی‮ ‬یەكەمیان بەدەستهێنا

پاڵەوانێتی‮ ‬لەشجوانی‮ ‬جیهانی‮ ‬دایمۆند كەپ لە‮ ‬یۆنان كۆتاییهات،‮ ‬لە ركابەرییەكاندا هەریەكە لە نزار‮ ‬غەزالی‮ ‬لە كێشی‮ ‬85 كیلۆگرامی‮ ‬و سەردار ئیسماعیل لە كێشی‮ ‬90 ‮ ‬كیلۆگرامیدا پلەی‮ ‬یەكەمیان بەدەستهێنا‮. ‬بەپێی‮ ‬هەواڵێكی‮ ‬تۆڕی‮ ‬میدیایی‮ ‬رووداو لە پاڵەوانێتییەكەدا زۆرینەی‮ ‬پێشبینییەكان بۆ ئەوەبوون كە نزار‮ ‬غەزالی‮ ‬یان سەردار ئیسماعیل پلەی‮ ‬یەكەمی‮ ‬یەكەمەكان و جامی‮ ‬ئەڵماسی‮ ‬پاڵەوانێتییەكە ببەنەوە،‮ ‬بەڵام‮ ‬یاریزانێكی‮ ‬یۆنانی‮ ‬كە لەكێشی‮ ‬100 كیلۆگرامیدا پلەی‮ ‬یەكەمی‮ ‬بەدەستهێناو جامەكەی‮ ‬بردەوە‮.‬
دوای‮ ‬كۆتاییهاتنی‮ ‬پاڵەوانێتییەكەش هەریەكە لە نزار‮ ‬غەزالی‮ ‬یەكەمی‮ ‬كێشی‮ ‬85 كیلۆگرام و سەردار ئیسماعیل پاڵەوانی‮ ‬90 كیلۆگرام لە رێگەی‮ ‬رووداوەوە دڵخۆشی‮ ‬خۆیان پێشاندا و گوتیان ناحەقیان بەرامبەر كراوە‮. ‬سەردار ئیسماعیل رایگەیاند،‮ ‬بەهۆی‮ ‬ئەوەی‮ ‬پاڵەوانێتییەكە لە‮ ‬یۆنان كرا جامی‮ ‬ئەڵماسی‮ ‬پاڵەوانێتییەكە درا بە‮ ‬یاریزانێكی‮ ‬یۆنانی،‮ ‬ئەگەر نا‮ ‬یەكێك لە ئێمە شایستەی‮ ‬ئەو خەڵاتە بووین‮.‬
لای‮ ‬خۆشیەوە نزار‮ ‬غەزالی،‮ ‬پاڵەوانی‮ ‬85 كیلۆگرام رایگەیاند‮: ‬هەرچەند نەمانتوانی‮ ‬پرۆ كارت ببەینەوە،‮ ‬بەڵام ئێمە دەتوانین بەشداری‮ ‬لە زۆر پاڵەوانێتی‮ ‬دیكەدا بكەین،‮ ‬لە كاتێكدا ئێمە چاوەڕێی‮ ‬ئەوەبووین‮ ‬یەكێكمان پلەی‮ ‬یەكەم ببەینەوە،‮ ‬بەڵام بەهۆی‮ ‬ئەوەی‮ ‬پاڵەوانێتییەكە لە‮ ‬یۆنان بەڕێوەدەچوو جامەكە درایە‮ ‬یاریزانێكی‮ ‬یۆنانی‮. ‬نزار‮ ‬غەزالی‮ ‬ئەوەشی‮ ‬گوت،‮ ‬ئەوان هیچ دڵتەنگ نین و سەربڵندن بەوەی‮ ‬توانیان دوو میدالیا لە پاڵەوانێتییەكەدا ببەنەوە و دڵی‮ ‬هاندەران و كورد و كوردستان خۆشبكەن‮.‬