كورد بەپێی یاسا مامەڵە دەکات..بەغدا به‌ جیھان دەڵێت پابەندی یاسا نابم
ئه‌مریكا له‌باره‌ی عێراقه‌وه‌ هه‌ڵوێستێكی تازه‌ی ڕاگه‌یاند
فه‌رمانى ده‌ستگیركردن بۆ كه‌سێكى نزیكى نورى مالیكى ده‌رده‌چێت

PDF Newspaper
Issue :
4811
Date:
2015-05-28
زیاتر بخوێنه‌وه‌

پارێزگارى هه‌ولێر پڕۆژه‌ى قیرتاوكردنى شه‌قامى سه‌ره‌كى موسڵ و رێگاى مه‌خموورى به‌سه‌ر كرده‌وه‌

به‌مه‌به‌ستى له‌نزیكه‌وه‌ ئاگادار بوون له‌ چۆنیه‌تى به‌ڕێوه‌چوونى  پڕۆژه‌ى قیرتاو كردنى چه‌ند شه‌قامێكى سه‌ره‌كى پایته‌خت ، نه‌وزاد هادى پارێزگارى هه‌ولێر به‌ یاوه‌رى سه‌رۆكى به‌شى هونه‌رى له‌سه‌رۆكایه‌تى شاره‌وانى هه‌ولێرو به‌ڕێوه‌به‌رى كارگه‌ى قیرى سه‌ر به‌ شاره‌وانى و به‌رێوه‌به‌رانى هه‌ریه‌ك له‌ شاره‌وانییه‌كانى چوار و پێنج و به‌شێك له‌ ئه‌ندازیارانى ڕێگاو بانى هه‌ولێر ، شه‌قامى مه‌خموور نێوانى (60مه‌ترى و 100مه‌ترى ـ سایدى دووه‌م )یان به‌سه‌ر كرده‌وه‌ كه‌ به‌ دوو چینى ستاپلایزه‌ر و باینده‌ر قیرتاو ده‌كرێت و له‌ماوه‌ى 20 رۆژى داهاتووش سه‌رتاپاى  كۆتایی پێدێت ، دواتر پڕۆژه‌ى قیرتاو كردنى ده‌روازه‌ى رێگاى موسڵیان به‌سه‌ر كرده‌وه‌ كه‌ له‌ فلكه‌ى باز تاوه‌كو  ژێر پردى چوار ریانى گوێڕ و سایدى هاتنه‌وه‌ به‌ هه‌ردوو چینى ستاپلایزه‌رو باینده‌ر به‌ درێژایی 5 كیلۆمه‌تر قیرتاو ده‌كرێت و له‌ماوه‌ى دوو مانگى دیكه‌ كۆتایی پێدێت و به‌ڕووى هاوڵاتیاندا ده‌كرێته‌وه‌ .
پارێزگارى هه‌ولێر له‌نزیكه‌وه‌ سوپاسى تیمه‌كه‌ى كرد كه‌ زۆر چالاكانه‌ له‌هه‌وڵدان بۆ هه‌رچى زووتر ته‌واوكردنى ئه‌و پڕۆژانه‌و كردنه‌وه‌ى رێگاكان به‌ ڕووى هاوڵاتیانه‌وه‌ ، هه‌روه‌ها له‌ نزیكه‌وه‌ش له‌و گرفت و له‌مپه‌رانه‌ى كۆڵیه‌وه‌ كه‌ رۆژانه‌ دێنه‌ به‌رده‌م تیمى پڕۆژه‌كه‌و بڕیارى چاره‌سه‌ر كردنى دا .

دەوڵەتی قانوون ناتوانێت متمانە لەسەرۆکی پەرلەمان وەربگریتەوە

دەوڵەتی قانوون ١٥٠ئیمزایان کۆکردۆتەوە بۆ ئەوەی متمانە لەسەرۆکی پەرلەمان وەربگرنەوە، چونکە سەرۆکی پەرلەمان بەھۆکاری شەری دوێنێی نێوان پەرلەمانتارانی لیستی دەوڵەتی قانوون و رەوتی سەدر دەزانن، لەبەرامبەردا پەرلەمانتارێکی پارتیی دیموکراتی کوردستان دەڵێت، لیستی دەوڵەتی قانوون لەوکارە سەرکەوتوو نابن، چونکە سەرۆکی پەرلەمان بەتەوافقی سیاسی دانراوە.
سەرحان سلێڤانەیی ئەندامێکی کوردی ئەنجومەنی نوێنەرانی عێراق بەئاژانسی پەیامنێری راگەیاند:" سەرۆکی پەرلەمانی عێراق ھۆکاری شەرەکەی دوێنێ نەبوو، بەڵکو ئەوان خۆیان لەنێوخۆیاندا تەبانین وکێشەیان ھەیە، بۆیە کۆکردنەوەی ئیمزا بۆ لەسەرکارلابردنی سەرۆکی پەرلەمان تەنھا بیانوویە و ھیچی دیکە نییە.
سەرحان سلێڤانەیی وتیشی: لیستی دەوڵەتی قانوون لەوەرگرتنی متمانە لەسەرۆکی پەرلەمان سەرکەوتوو نابن، چونکە سەرۆکی پەرلەمان بەتەوافقی سیاسی دانراوە و لابردنیشی پێویستە بەرەزامەندی ھەموولایەک دەبێت.
 لەسەر متمانەدان بەوەزیرێکی رەوتی سەدر شەر لەنێوان ئەندامانی رەوتی سەدرولیستی دەوڵەتی قانوون دروست بوو، دواتر بەھۆی ئەو شەرەوە پەرلەمانتارێکی لیستی دەوڵەتی قانوون بەناوی کازم سەیاد رەوانەی نەخۆشخانە کرا.

دی ماریا له‌ يانه‌ی پاریس نزیك بۆته‌وه‌

بەپێی ڕاپۆرتە هەواڵییەکانی فەرەنسا ئەنخێل دی ماریای ئەرژەنتینی و یاریزانی یانەی مانچستەر یونایتدی ئینگلیزی بەشێوەیەکی گەورە لە یانەی پاریس سان جێرمانی پاڵەوانی خولی فەرەنسی نزیک بووەتەوە.
ڕۆژنامەی 'لیکیپ' لە ژمارەی ئەمڕۆیدا ئاماژەی بەوەداوە کە لە هاوینی ڕابردووەوە دی ماریا داوا کراوی یەکەمی لۆران بلانە، بەڵام بەهۆی یاسای یاریی خاوێنی یەکێتی تۆپی پێی ئەوروپاوە تا ئێستا نەیان توانیوە ئەستێرەکەی تانگۆ بگوازنەوە.
هەمان سەرچاوە ئاماژەی بەوەشداوە کە ئیدارەی یانه‌ی پاریسیه‌كه‌ بە سەرۆکایەتی ناسر خلێفی ئامادەن گرێبەستێک پێشکەش مان یونایتد بکەن کە ڕەتکردنەوەی قورس بێت دەیانەوێت بۆ وەرزی داهاتوو دی ماریا بکەنە شوێن گرەوەی ئیزکێل لافێزی کە چاوەڕوان دەکرێت یانەکە جێبهێڵێت.
جێی ئاماژەیە دی ماریای تەمەن 27 ساڵ نەیتوانی لە پێکهاتەی شەیتانە سورەکاندا خۆی بسەلمێنێت و لە زۆربەی یارییەکانی پرێمەر لیگدا وەکو یاریزانی یەدەک بەشداری دەکرد.