یەکەم ڕۆژى دەستپێکى خوێندن لە کەرکووک دەستی پێکرد
کۆمپانیایەکی پۆسنە بڕی 200 هەزار دۆلار دەرمانی پَێشکەش بە پێشمەرگە کرد
داعش هێرشی بۆسەر ناوچەیەكی نزیكی بەغدا دەستپێكرد

PDF Newspaper
Issue :
4666
Date:
2014-10-22
زیاتر بخوێنه‌وه‌

لقی 17ـی پارتی شەهیدبوونی فەرماندە و پێشمەرگە (شێخ خێری مراد شێخ خدر) و برازاكەی ڕاگەیاند

 لقی حەڤدەی پارتی دیموكراتی كوردستان، ئەمڕۆ چوارشەممە، شەهیدبوونی فەرماندە و پێشمەرگەی قارەمان (شێخ خێری مراد شێخ خدر) و برازاكەی (خەلەف ئیبراهیم شێخ خدر)ـی لە بەرگرییەكی قارەمانانە لە دژی هێرشی تیرۆریستانی داعش لە چیای شنگال ڕاگەیاند.
دەقی بەیاننامەی لقی حەڤدەی پارتی دیموكراتی كوردستان لەبارەی شەهیدبوونی فەرماندە و پێشمەرگەی قارەمان شێخ خێری مراد شێخ خدر، کە بۆ KDP.info نێردراوە:
هەر لە سەرەتای پەلاماری داعش بۆ سەر شنگال و كوردستان هێزی قارەمانی پێشمەرگە، بە ڕۆح و بە گیان بەرگرییەكی قارەمانانەی كردووە و دەیان فەرماندە و پێشمەرگەی قارەمان خوێنی خۆیان بە كورد و كوردستان بەخشیوە. بە داخێكی زۆرەوە ئەمڕۆ چوارشەممە فەرماندە و پێشمەرگەی قارەمان شێخ خێری مراد شێخ خدر و برازاكەی خەلەف ئیبراهیم شێخ خدر لە بەرگرییەكی قارەمانانە لە دژی هێرشی تیرۆریستانی داعش لە چیای شنگال شەهید بوون.
شەهید شێخ خێری و بنەماڵەی شێخ خدر خاوەن پێگەیەكی زۆر بەرزی كۆمەڵایەتیی دەڤەری شنگال بوونە و جێگەی ڕێز و تەقدیری خەڵكی ناوچەكە و كوردانی ئێزدین. شەهید شێخ خێری كادیرێكی دڵسۆزی پارتی و شوێنكەوتووی ڕێبازی بارزانی بوو و بە ئەمری جەنابی سەرۆك بارزانی ئەركی فەرماندەیی میحوەری سكێنیێی پێڕاسپێردا.

ئەردۆغان: بێ چوار مەرجەکانمان شەڕی داعش ناکەین

  سەرۆککۆماری تورکیا(ڕەجەب تەییب ئەردۆغان) ڕایگەیاند، وڵاتەکەی چوار داواکاری خستوونەتە بەردەم هاوپەیمانەتیی نێودەوڵەتییەوە کە ئەمەریکا ڕابەرایەتی دەکات، دەشڵێت، بێ بەدیهاتنیان تورکیا ناچێتە نێو هاوپەیمانەتییەکەوە و لە شەڕی دژی داعش و هیچ پرۆسەیەکی دی بەشدار نابێت.
(ئەردۆغان) ڕوونی کردەوە، "تورکیا، دەربارەی دۆخی سووریا چوار داواکاری لە هاوپەیمانەتیی نێودەوڵەتی هەن، کە ئەمەریکا ڕابەرایەتی و دەکات و دژ بە داعش پێک هێنراوە، کە ئەمانەن: ڕاگەیاندنی ناوچەیەکی دژەفڕین، پێکهێنانی ناوچەیەکی ئارام، پڕچەککردنی سووریاییەکان و مەشق پێ کردنیان، بەرپاکردنی هەڵمەتی سەربازی بۆ سەر ڕژێمی سووریا.. بێ هاتنەدی ئەم داواکاریانەیش ناتوانین لە هیچ پرۆسەیەکدا بەشدار ببین."
وەک ئەوەی ئانادۆڵو بڵاوی کردووەتەوە، سەرۆککۆماری تورکیا ڕوونی کردووەتەوە، "ئەو ناوچە ئارامەی پێشنیازمان کردووە، پرۆسەیەکی داگیرکاری نییە، بەڵکە ناوچەیەکی ئارامە کە لە ڕێیەوە ئەو سووریاییانەی بە هۆی ڕووداوەکانەوە ئاوارە بوون، دەتوانن بگەڕێنەوە سەر خاک و نێو وڵاتەکەیان."
دەربارەی بنکەی ئەنجەرلیکیش دەڵێ، "هێشتا ڕوون نییە لەبارەی ئەنجەرلیکەوە چ داوایەکیان لە ئێمە هەیە، هەر کات زانیمان ئەوا لەگەڵ یەکە ئەمنییەکانماندا گفتوگۆی لەبارەوە دەکەین و لەسەر بنەمای گفتوگۆکانیشمان بڕیار دەدەین کە داخۆ چ گونجاوە بۆ ئێمە، ئەگینا ڕازی نابین.

یانه‌ی هه‌ولێر نه‌بووه‌ پاڵه‌وان

له‌ یاریى كۆتایى جامى یانه‌كانى ئاسیا، لێدانى یه‌كلاكه‌ره‌وه‌ بووه‌ داوه‌ر بۆ ئه‌وه‌ى ناسناوى ئه‌مساڵ بۆ كوه‌یتیه‌كان بێت .
كاتى یاسایى و زیادكراوى یارییه‌كه‌ى هه‌ولێرو قادسیه‌ بێگۆڵ كۆتایی هات بۆیه‌ ناوبژیوان په‌ناى برده‌ به‌ر لێدانه‌ یه‌كلاكه‌ره‌وه‌كان .....
له‌ لێدانه‌ یه‌كلاكه‌ره‌وه‌كان عه‌لى فائیزو هه‌وار دوو لێدانیان بۆ هه‌ولێر له‌ده‌ستداو درێس زه‌رده‌كانى كوه‌یتیان كرده‌ خاوه‌نى ئه‌و پاڵه‌وانێتییه‌ى كه‌ دوو جاره‌ له‌ یاریى كۆتایى به‌ كوه‌یتیه‌كان ده‌دۆرێن...