داوا لە حكوومەت دەكەین داواكاریەكانی خۆپیشاندەران جێبەجێ بكات
٨٠ واژوو بۆ بەپارێزگابوونی دەشتی نەینەوا کۆکراوەتەوە
راگه‌یه‌ندراوێك له‌ وه‌زاره‌تی په‌روه‌رده‌وه‌

PDF Newspaper
Issue :
5118
Date:
2016-09-27
زیاتر بخوێنه‌وه‌

حکومەتی ھەرێمی کوردستان دیدگای خۆی بۆ ستراتیژی پاراستنی کۆمەڵایەتی بۆ ساڵی ٢٠٢٠ رادەگەیەنێت

حکومەتی ھەرێمی کوردستان جەخت لەسەر ئەوە دەکاتەوە کە ھەمیشە و لە ھەموو بوارەکاندا، خەڵک لە پێشی ھەموو شتێکەوەیە و پێویستە ھاووڵاتیانی ھەرێمی کوردستان سوود لە سامانی وڵات وەربگرن، بۆیە ئەنجامدانی چاکسازی لە سیستەمی پاراستنی کۆمەڵایەتیدا، پێویستە بۆ دووربوونی کوردستان لە قەیرانی نرخی نەوت، ھاوکات دروستکردنی ئابورییەکی کێبرکێکار و بەرەوپێشبردنی خزمەتگوزارییەکانی حکومەت.
چوارچێوەی ستراتیژی پاراستنی کۆمەڵایەتی لە ٢١ی ئەیلوول/سێپتەمبەری ٢٠١٦ لە پایتەخت راگەیەندرا و تیایدا ھەردوو وەزیرانی پلادانان و کار و کاروباری کۆمەڵایەتی و نوێنەرانی بانکی نێودەوڵەتی و ژمارەیەکی زۆر لە بەرپرسانی حکومەتی ھەرێمی کوردستان ئامادەی بوون، چەندین رونکردنەوەی گرنگ بە دووپاتکردنەوەی سوود وەرگرتنی ھەژاران لە پلانەکانی بیمە و پاراستنی کۆمەڵایەتی دووپات کرایەوە .
بەڵام وەزارەتی پلاندان ئاماژە بۆ ئەوە دەکات کە سیستەمی ئێستا، لەگەڵ دیدگای ٢٠٢٠ یەک ناگرێتەوە، چونکە حکومەت بەڵێنی داوە چینی ھەژار و کەم دەرامەت، لەڕێگەی بیمەی کۆمەڵایەتی و تۆڕەکانی پاراستنی کۆمەڵایەتییەوە بپارێزێت، ھەروەھا دەرفەتی کار بۆ لاوان دروست بکات

ئێران نیگه‌رانه‌ له‌ سیاسه‌تی روسیا

وەزیری دەرەوەی ئێران محه‌مه‌د جه‌واد زه‌ریف بە دربرینی ئامانجی هاوبه‌ش له‌ نێوان تاران و مۆسكۆ له‌ سوریا رایگه‌یاند بێگومان ئامانجه‌كانمان به‌ ته‌واوه‌تی وه‌ك یه‌ك نین، به‌ڵام هاوشێوه‌ن.

لێدانی زه‌ریف سه‌باره‌ت به‌ جیاوازه‌كانی نێوان روسیا و ئێران له‌ سوریا پاش ئه‌وه‌ی دێت كه‌ راوێژكاری سه‌ربازی رێبه‌ری ئێران رایگه‌یاندبوو له‌وانه‌یه‌ له‌ دانوستانه‌كانی "بگره‌ و به‌رده‌" له‌ نێوان روسیا و ئه‌مریكا ده‌رباره‌ی سوریا، به‌رژوه‌ندیی ئه‌مریكا زیاتر دابین بكرێت و "به‌شێكی كه‌متر به‌ ئێران" بدرێت و داوای كردبوو سیاسه‌تمه‌دارانی ئێران پێویسته‌ هۆشیار بن و له‌و نێوه‌نده‌دا به‌رژوه‌ندی و به‌شی ئێران فه‌رامۆش نه‌كرێت.
وه‌زیری ده‌ره‌وه‌ی ئێران له‌ گوتارێكدا له‌ ئه‌نجومه‌نی په‌یوه‌ندییه‌كانی نه‌ته‌وه‌ یه‌كگرتووه‌كان له‌ نیویۆرك رایگه‌یاند ركابه‌رایه‌تی له‌ نیوان تاران و روسیا له‌ شه‌ڕی سوریا نییه‌ و هیچ كامه‌شیان ئه‌وه‌یان ناوێت.
پیشتر به‌ر‌پرسانی سه‌ربازی و سیاسی ئیران سه‌باره‌ت به‌ رۆڵی روسیای هاوپه‌یمان له‌ سوریا نیگه‌رانی خۆیان ده‌ربڕیبوو كه‌ باوه‌رییان به‌ مۆسكۆ نییه‌ و له‌وه‌ ده‌ترسن له‌ ئه‌گه‌ڵ ئه‌مریكا رێك بكه‌وێت و به‌رژوه‌ندییه‌كانی ئێران له‌به‌ر چاو نه‌گرێت.

تا چەند تۆپی‮ ‬پێی‮ ‬كوردستان بەرەو ئەكادیمی‮ ‬هەنگاوی‮ ‬ناوە؟

وەك چۆن هەموو بوارەكان پێویستیان بە زانستی‮ ‬بونە وەرزشیش بە تایبەت تۆپی‮ ‬پێ پێویستی‮ ‬بە زانستی‮ ‬بوونە‮ ‬،لە كوردستان هەوڵدراوە بەڵام تا چەند ئەو هەوڵە گەیشتۆتە مەبەست،لەم‮ ‬ڕاپۆرتەدا تیشك دەخەینە سەر ئەو پرسە‮.‬
سەرەتا د.ئالان قادر ئەمینداری‮ ‬گشتی‮ ‬لیژنەی‮ ‬ئۆڵۆمپی‮ ‬كوردستان گوتی‮: ‬جێی‮ ‬خۆش حاڵییە ئیستا لە بواری‮ ‬تۆپی‮ ‬پێ بە تایبەتی‮ ‬پاش دەرچونی‮ ‬كۆمەڵێك كادیری‮ ‬وەرزشی‮ ‬لە كۆلێژی‮ ‬وەرزشی‮ ‬و پەیمانگا وەرزشییەكان كاركردنیان بە شێوەی‮ ‬زانستی‮ ‬،دەتوانم بڵێم تۆپی‮ ‬پێ بەرەو ئەو ئاراستەیە دەڕوا كەسی‮ ‬ئەكادیمی‮ ‬ژمارەی‮ ‬تێدا زۆر بووە وایان كردووە جێ پەنجەیان دیار بێت‮ ‬،وە بە كارهێنانی‮ ‬ئەو زانست و زانیاریانە لە زانكۆ و پەیمانگا وەرزشییەكان فیری‮ ‬بونە بە كارهێنانی‮ ‬لە خزمەت‮ ‬یانەكاندا ئەوەش خاڵێكی‮ ‬گرنگەجێی‮ ‬دڵخۆشیە ئێستا زۆربەی‮ ‬یانە وەرزشیەكان ژمارەی‮ ‬كەسانی‮ ‬ئەكادیمی‮ ‬بە تایبەتی‮ ‬لە بواری‮ ‬تۆپی‮ ‬پێ ڕوو لە زیاد بونە ئەمش كاریگەری‮ ‬خۆی‮ ‬دەبێت لە ئاڕاستەكردنی‮ ‬تۆپی‮ ‬پێ بەرەو ئە كادیمی‮ ‬بوون،ناتوانم بڵم تۆپی‮ ‬پێی‮ ‬كوردستان سەدا سەد ئەكادیمییە بەڵام خەریكە ئاڕاستەی‮ ‬بە ئەكادیمی‮ ‬بوون دەگرێتە بەر‮ ‬، سەبارەت بە ئەركی‮ ‬یەكێتی‮ ‬تۆپی‮ ‬پێی‮ ‬كوردستان بۆ بە ئەكادیمی‮ ‬كردنی‮ ‬تۆپی‮ ‬پێ پێویستە ساڵانە خولی‮ ‬سەرتاسەری‮ ‬بۆ ئەو‮ ‬یانە وەرزشیانە بكرێتەوە لەگەڵ كردنەوەی‮ ‬خول بۆ‮ ‬ڕاهێنەری‮ ‬یانەكان تا زیاتر ئاشنا بن بەو پێشكەوتنە زانستیانەی‮ ‬ڕودەدەن،بۆیە دەتوانم بڵێم تۆپی‮ ‬پێ لە كوردستان بەرەو بە زانستی‮ ‬بوون هەنگاو دەنێت ئەمەش ئامانجی‮ ‬هەمووانە‮ .‬

 

ئەدهەم بارزانی: ئەگەر سلێمانی لە پارتی نائارام بێت، بۆ هیچ لایەنێكی سیاسی ئارامی و ئاسایش نابێت