گوتەبێژی وەزارەتی تەندروستیی حكوومەتی هەرێمی كوردستان ڕایگەیاند، بە هۆی سەرهەڵدانی جۆرێكی نوێی ڤایرۆسێكەوە"كۆرۆنا" بە تایبەت لە ڕۆژهەڵاتی نێوەڕاستدا، وەزارەتەكەیان زانیاری بە دەستگا تەندروستییەكانی داوە بۆ گرتنەبەری ڕێوشوێنی كاری پەتاگەری و خێرا بەمەبەستی بەرگرتن لە بلاوبوونەوەی ڤایرۆسەکە.
لە كۆنگرەیەكی ڕۆژنامەوانیدا كە ئەمڕۆ دووشەممە ساز درا، گوتەبێژی وەزارەتی تەندروستیی حكوومەتی هەرێم، د. خاڵس قادر، ڕایگەیاند، كە ئەگەرچی هێشتا هیچ حاڵەتێكی هەڵگری ئەو ڤایرۆسەی كە بە "كۆرۆنا" ناو دەبرێت لە هەرێمی كوردستاندا نییە، بەڵام بەو هۆیەوەی كە وڵاتانی دراوسێی عێراق وەك عەرەبستانی سعوودیە و ئەردەن و هەروەها لە ئیمارات و قەتەریشدا هەیە، وەزارەتی تەندروستیی حكوومەتی هەرێم ڕێوشوێنی پێویست دەگرێتە بەر و زانیاری بە دەستگا تەندروستییەكانی داوە بۆ دەستكردن بە كاری پەتاگەری و خێرا دۆزینەوەی هەر نەخۆشێك كە گومانی هەڵگرتنی ڤایرۆسەكەی لێ بكرێت.
د. خاڵس قادر گوتیشی كە هاوكات ڕێوشوێنی خۆپارێزیی پێویست لە دەستگا تەندروستییەكان دەگیرێتە بەر و لیژنەی تایبەت بە ئەنفلەوەنزای پەتایی چالاك دەكرێتەوە، ئەمەیش لەپێناو دڵنیابووەن لە گرتنەبەری ڕێوشوێنی پێویست.
بەپێی ڕاپۆرتی ڕێكخراوی تەندروستیی جیهانی، تائێستا 40 حاڵەتی چەسپێندراو بە تاقیگە تۆمار كراون و زۆربەیان لە وڵاتی سعوودیەن  و هەروەها 2 حاَلەت لە ئەردەن، 2 لەقەتەر، ئیمرات 1 و لە بەریتانیایش 2 و لە فەرەنسایش حاڵەتێك هەیە؛ كە 20 نەخۆش بە هۆیەوە مردوون و زۆربەیشی نەخۆشەكانیش لە ڕەگەزی نێرن و تەمەنیان لە نێوان 24- 94 ساڵیدایە.

 سەرۆكی ئەنجوومەنی نیشتمانیی عێراق داوای دانیشتنێكی بەپەلەی پەرلەمان دەكات كە تێیدا وەزیری بەرگری بە وەكالەت و سەركردەی پرۆسەكانی بەغدا و دیجلەیش بانگهێشت بكرێن و تێكچوونی باری ئەمنی بخەنە بەر باس.
لە بەیاننامەیەكدا كە لە نووسینگەی سەرۆكی ئەنجوومەنی نیشتمانیی عێراق، ئوسامە نوجێفییەوە دەرچووە، هاتووە كە هه‌فته‌ی رابردوو، یه‌كێك بووه‌ له‌ هه‌فته‌ هه‌ر خوێناوییه‌كانی عیراق و ئه‌مه‌ش به‌ڵگه‌یه‌ بۆ شكستی حكوومه‌ت و ده‌زگا ئه‌منییه‌كانی عیراق له‌ پاراستنی سه‌روماڵی هاوڵاتیان.
بەیاننامەكە ئاماژەی بە ناوی هەریەك لە وەزیری بەرگریی عێراق بە وەكالەت، سەعدوون دلێمی و عەدنان ئەسەدی، فەرماندەی ئۆپەراسیۆنی بەغدا فەریق ڕوكن ئەحمەد هاشم عەودە، فەرماندەی ئۆپۆراسیۆنی دیجلە عەبدولئەمیر زەیدی داوە تا لە كۆبوونەوەكەی سێشەممەی داهاتوودا بەشدار بن و تێیدا ئاڵۆزیی ئەو بارە ئەمنییە ترسناكە بخەنە بەر باس و ڕوونكردنەوەی بڕواپێكراو و پیشەییانە بە گەلی بدەن.
 .

چاڵاك حوسێن یەكێكە لەو یاریزانانەی كە خاوەن چەندین میداڵیای زێرو زیووە لەسەر ئاستی عێراق و ئاسیادا، ناوبراو تائێستا لەرێزی یانەی وەرزشی قەڵا و هەڵبژاردەی هەولێر یاری دەكات و بەشداری لەچەندین پاڵەوانیەتی ناوەوەو دەرەوەی كوردستانی كردووە و هەر لەهەمووشیان توانیویەتی ئەنجامی باش و بەرچاو بەدەست بهێنێت، یاریزان چاڵاك حوسێن هەفتەی رابڕدووبەشداری لەپاڵەوانیەتی كیشوەری ئاسیا كرد كەلەوڵاتی ئێران سازدرا،ناوبراو سەبارەت بەبەشداریكردنی لەم پاڵەوانیەتیەدا بۆ خەبات ئەوەی خستە ڕوو: بێگومان هەفتەی رابڕدوو لەوڵاتی ئێران بەناوی هەڵبژاردەی ئێراق توانیم وەك یاریزانێكی كورد بەشداری تێیدا بكەم و 4 میدالیای زێر لەم پاڵەوانیەتیە دەستبەر بكەم، گوتیشی : ئەوەی جێی دڵخۆشی هەموو لایەك بوو هەڵبژاردەی ئێراق لەم پاڵەوانیەتیەدا توانی لەسەر ئاستی تازەپێگەیشتووانان پلەی دووەم بەدەست بهێنێت، جگە لەمەیش 22 میدالیای زێر و 2 زیوو و 2 برونزیشی بەدەست هێنا، هەر لەبارەی ژمارەی بەشداربووانی پاڵەوانیەتیەكە چاڵاك ئەوەی ئاشكرا كرد: نزیكەی 10 وڵات بەشداری لەپاڵەوانیەتیەكە كردبوو هەر هەموشیان لەئاستێكی بەرزدابوون
گوتیشی : من ئەوە یەكەم پاڵەوانیەتی نییە كەتێیدا بەشداردەبم، بەڵكو تائێستا توانیوومە بەشداری لە 4 پاڵەوانیەتی زۆر گرینگتر بكەم كە هەر یەك لەوڵاتانی مەنغولیا و یابان وتایوەندو هیند پێكهاتبوو، كەتێیدا توانیم پلەكانی دووەم وسێەمم لەسەر ئاستی هەڵبژاردەكانی وڵاتانی ئاسیا بەدەست بهێنم.