پێشمەرگە گەیشتە ناو زوممار
یه‌كێتی ئه‌وروپا بڕیار ده‌دات هاوكارییه‌كانی بۆ كوردستان دوو هێنده‌ زیاد بكات
قەرەیلان: پێویستە جەمیل بایک داوای لێبوردن لە پێشمەرگە بکات

PDF Newspaper
Issue :
4632
Date:
2014-08-28
زیاتر بخوێنه‌وه‌

ڕاگه‌یه‌نراوی وەزارەتی پێشمەرگە لەبارەی گرته‌ی چەند پێشمەرگەیەک

  وەزارەتی پێشمەرگەی حکوومەتی ھەرێمی کوردستان سەبارەت بە بڵاوبوونەوەی وێنەی چەند پێشمەرگەیەک لە راگەیاندنه‌کان و تۆڕە کۆمەڵایەتییەکان راگەیه‌ندراوێک بڵاو دەکاتەوە و ده‌ڵێت، ئەم جۆرە ڕەفتارانە نیشانەی ترسنۆکی و بەدڕەوشتیی داعشن و زیاتر پابەندنەبوونیان بە ھەموو بەھا ئاسمانی و مرۆڤییەکان ده‌رده‌خات.

ھاتووە، "ماوەی چەند ڕۆژێکە لە ڕاگەیاندن و تۆڕە کۆمەڵایەتییەکانی سەر بە گرووپی تیرۆریستیی داعش وێنەی ژمارەیەک پێشمەرگەی قارەمان پێشان دەدرێت کە بە ھەڵە ژمارەیەک پێشمەرگە ڕێگەیان بزر کردبوو و ھەندێکیان بە برینداری کەوتبوونە دەست تیرۆریستانی داعشه‌وه‌ و ڕەفتاری نه‌شیاو و نامرۆڤانەیان لەگەڵدا دەکرێت، ئەم جۆرە ڕەفتارانە نیشانەی ترسنۆکی و بەدڕەوشتیی داعشن و پابەندنەبوونیان بە ھەموو بەھا ئاسمانی و مرۆڤییەکان دەردەخات."
راگەیندراوەکە هاوکات جه‌ختی کردووه‌ته‌وه‌، "بە گشت لایەک ڕادەگەیه‌نین کە زۆر بە وردی چاودێریی ھەموو جۆرە جموجۆڵ و ڕەفتارێکی سەرانی ئەم تاقمە سەرلێشێواوە و ئەو کەسانە دەکەین کە ھاوکار و یارمەتیدەری داعشن. ھەر مەترسییەک لەسەر ژیانی ئەو پێشمەرگانە بێت زۆر گران لەسەر داعش و ھاوکارانیان تەواو دەبێت."

سەرکردەکانی هاوپەیمانیی شیعەکان لەسەر بەرنامەی حکومەت رێککەوتن

 هاوپەیمانیی نیشتمانیی شیعەکان لەسەر بەرنامەی حکومەتی نوێی عێراق رێککەوتن بۆئەوەی بەرنامەکە بخەنە بەردەستی لایەنەکانی دیکە.
 
نووسینگەی ئیبراهیم جەعفەری سەرۆکی هاوپەیمانی نیشتمانی ئاشکرایکرد، هاوپەیمانێتییەکەیان لەناوخۆیدا لەسەر بەرنامەی حکومەتی نوێ گەیشتووەتە رێککەوتن و بەرنامەکە بۆ لایەنە سیاسییەکانی دیکە دەخەنەڕوو". داواشی لە کوتلە سیاسییەکان کرد "پەلە بکەن لە پێشکەشکردنی پاڵێوراوانیان بۆ وەرگرتنی پۆستە وەزارییەکان".

نووسینگەی سەرۆکی هاوپەیمانی نیشتمانی، لە راگەیێندراوێکدا ئاماژەی بۆ ئەوە کردووە، "سەرۆکی هاوپەیمانی نیشتمانی لەگەڵ شاندی دانوستاندنی هاوپەیمانی نیشتمانی بۆ پێکهێنانی حکومەت کۆبووەتەوە و ئەنجامی دانوستاندنیان لەگەڵ کوتلەکان گفتوگۆ کردووە". هەروەک ئاشکراکراوە "هاوپەیمانی نیشتمانی، لەناوخۆیدا لەسەر بەرنامەی حکومەتی نوێی عێراق گەیشتووەتە رێککەوتن بۆ ئەوەی بەرنامەکە بخەنە بەردەستی لایەنەکانی دیکە، تاوەکو لەوادەی یاسایی دیاریکراوی خۆیدا بتوانن حکومەت پێکبهێنن، داواش لە کوتلە سیاسییەکان دەکەین پەلە بکەن لە پێشکەشکردنی پاڵێوراوانیان بۆ وەرگرتنی پۆستە وەزارییەکان ".

یارییه‌كانى هه‌فته‌ى یه‌كه‌مى خولى ئیتاڵیا

یارییه‌كانى هه‌فته‌ى یه‌كه‌مى خولى ئیتاڵیا 29.08.2014 | 18:56 رۆژى شه‌ممه‌ یه‌كێكیتر له‌خوله‌ به‌هێز و به‌ناوبانگه‌كانى ئه‌وروپا و جیهان ده‌ست پێده‌كات ئه‌ویش خولى یانه‌كانى ئیتاڵیایه‌ بۆ وه‌رزى 2014 ـ 2015 ، له‌یارى كردنه‌وه‌ى وه‌رزى یه‌كه‌م و به‌ئامانجى پارێزگاریكردن له‌نازناوى وه‌رزى رابردوو یانه‌ى یۆڤێنتوس ده‌بێته‌ میوانى یانه‌ى كیڤۆ ڤیرۆنا له‌كاتژمێر 7ى ئێواره‌. یۆڤێنتوس دواى گۆرینى كۆنتى و هێنانى ماسیمیلیانۆ ئه‌لێگرى راهێنه‌ر به‌هیوایه‌ ئه‌مسالیش پارێزگارى له‌نازناوه‌كه‌ بكات هه‌رچه‌ند ئه‌م گۆرانكارییه‌ به‌دلى هه‌وادارانى یانه‌كه‌ نه‌بوو، هه‌روه‌ها چه‌ند یاریزانێكیشى هێناوه‌ته‌ ریزه‌كانى له‌وانه‌ پاتریس ئێڤرا و ئه‌لڤارۆ مۆراتا، یۆڤانتوس بارى دارایى له‌گشت یانه‌كانى ترى ئیتاڵیا باشتره‌ بۆیه‌ یانه‌كه‌ له‌باشترین بارودۆخ دایه‌ به‌به‌راورد له‌گه‌ڵ یانه‌كانى تر، هه‌مان رۆژ و كاتژمێر 9 و 45 خوله‌كى شه‌و له‌یاریگاى ئۆلۆمپیكۆ یانه‌ى رۆما له‌یارییه‌كى به‌هێزدا میواندارى یانه‌ى فیۆرۆنتینا ده‌كات، رۆما له‌سه‌رده‌ستى راهێنه‌رى فه‌ره‌نسى رۆدى گارسیا پێشكه‌وتنى زۆرى به‌خۆیه‌وه‌ بینیوه‌ و یانه‌كه‌ ئاستى یه‌كجار به‌رزبۆته‌وه‌ و ئه‌مساڵ دواى دابرانى بۆماوه‌ى چه‌ند ساڵێك به‌شدارى یارییه‌كانى چامپیۆنزلیگ ده‌كات، دووه‌مى وه‌رزى رابردووى خوله‌كه‌ چاوه‌روانده‌كرێت ئه‌مساڵ ركابه‌رێكى به‌هێزى بردنه‌وه‌ى نازناوه‌كه‌ بێت، رۆژى یه‌كشه‌ممه‌ش كاتژمێر 7ى ئێواره‌ ئه‌ى سى میلان له‌یارى لوتكه‌ى ئه‌م جه‌وله‌یه‌دا میواندراى یانه‌ى لازیۆ ده‌كات، میلان به‌كۆمه‌لێك گۆرانكارى له‌پێكهاته‌كه‌ى تیپه‌كه‌ و هێنانى ئینزاگى بۆ راهێنه‌رى یانه‌كه‌ و به‌ئاماده‌كارییه‌كى خراپ له‌یارییه‌ دۆستانه‌كانیدا تا راده‌یه‌ك هانده‌رانی ئه‌و یانه‌یه‌ چاوه‌روان ناكه‌ن یانه‌كه‌یان بتوانێ ركابه‌رى له‌سه‌ر نازناوه‌كه‌ بكات هه‌رچه‌ند ئینزاگى ده‌لێت میلانى راسته‌قینه‌ له‌م ساڵ ده‌بینن .