کەشتیێک نەوتی کوردستان لە دەریای چین بەتاڵ کرا
په‌رله‌مانتارێك: ئه‌و چه‌كدارانه‌ی چوونه‌ گه‌رمیان ئێرانین
فوئاد مه‌عسوم هەڕەشە دەكات

PDF Newspaper
Issue :
4612
Date:
2014-07-24
زیاتر بخوێنه‌وه‌

داعش بەنیازی شەڕكردن لە شارەدێی ئامرلی هاتنە پێش

سەرچاوەیەك لە دووز ڕایگەیاند" لە سنوری شارەدێی ئامرلی گروپی تیرۆریستی بەناو داعش گەمارۆی ناوچەكەیان داوە بە چەكی قورس و بەنیازن هێرش بكەنە سەر ئەو شارەدێیە
سەرچاوەیەك لە دووز بە ئاژانسی هەواڵی پەیامنێری ڕاگەیاند " گروپی تیرۆریستی دەوڵەتی ئیسلامی لە عێراق و شام داعش گەمارۆی  شارەدێی ئامرلی سەر بەشارۆچكەی دووزیان داوە بە چەكی قورسەوە ئەوەیش بۆ ئەوەیە كە هێرش بكەنە سەر ئەو ناوچەیە چونكە لەماوەی ڕابردوودا چەندین جار هێرشیان كردە سەر ئەو شارەدێیە بەڵام پیلانەكانیان سەری نەگرت .
سەرچاوەكە گووتی " گروپی داعش نزیكەی 50 دەبابەیان هێناوەتە پێشەوە لەگەڵ چەندین چەكی جۆراوجۆر لەوانەش چەكی دوور هاوێژەكان كە بریتن لە هاوەن و سارۆخ .
جێگەی باسە " كاتژمێرێك بەرلە ئێستا لە سنوری شارۆچكەی داقووقیش چەكدارانی داعش نزیك بوونەوە لە هێزەكانی پێشمەرگە ئەوەیش بەهۆی ئەوەی ئەو دوو ناوچەیە ژمارەیەك لە دانیشتوانەكەی شیعەمەزهەبن و چەند مەزارگەی شیعەمەزهەبەكان بوونی هەیە لە داقووق و ئامرلی.

داعش ده‌ستی گه‌یشته‌ سه‌لاحه‌دینی ئه‌یووبی

چه‌كدارانی‌ ده‌وڵه‌تی ئیسلامی عێراق و شام ناسراو به‌ داعش په‌یكه‌ری‌ سه‌لاحه‌دینی‌ ئه‌یوبییان له‌ ناوه‌ڕاستی‌ شاری تكریت ته‌قانده‌وه‌.
 ئه‌و چه‌كدارانه‌ پاش بۆمب رێژكردنی په‌یكه‌ره‌كه‌، ته‌قاندوویه‌تیانه‌وه‌.
چه‌كدارانی داعش پاش گرتنی موسڵ و تكریت ده‌ستیان كرد به‌ روخان و ته‌قاندنه‌وه‌ی سه‌رجه‌م په‌یكه‌ر و مه‌زارگه‌ و ژماره‌یه‌ك له‌ مزگه‌وته‌كانی شاری موسڵ و به‌شێك له‌ تكریت.
سه‌لاحه‌دینی‌ ئه‌یوبی‌ سه‌ركرده‌یه‌كی كورده‌ و له‌ ساڵی‌ 1138 له‌ شاری‌ تكریتی‌ سه‌ر به‌ پارێزگای‌ سه‌ڵاحه‌دین له‌ دایك بووه‌.

ئه‌نجامێكی گرنگ بۆ شه‌تره‌نجزانانی كوردستان

یانه‌ی خانزاد كه‌ به‌نوێنه‌رایه‌تی شه‌تره‌نجزانانی كوردستان له‌ پاڵه‌وانێتیی نیوده‌وڵه‌تی وڵاتی جۆرجیا كه‌ به‌ جامی نانا ئه‌لیكساندریا ناسراوه‌ ‌، توانیان ئه‌نجامێكی باش به‌ده‌ست بێنن. رۆژی 20/7/2014 دواجه‌وله‌ی نۆیه‌مین پاڵه‌وانێتی نانا ئه‌لیكساندریا به‌به‌شداری 435 شه‌تره‌نجزانی كچ و كوڕی 12 وڵاتی ئه‌ورووپی و ئاسیا و عه‌ره‌بی به‌ڕێوه‌چوو، سه‌باره‌ت به‌م پاڵه‌وانێتییه‌كه‌و ئاستی شه‌تره‌نجزانانی كوردیش، ئازاد سابیر سه‌رۆكی شاندی یانه‌ی خانزاد رایگه‌یاند و وتی" پاڵه‌وانێتی ئه‌مجاره‌ به‌به‌راورد له‌گه‌ڵ پاڵه‌وانێتییه‌كانی رابردوو زۆر به‌هیزتر بوو، به‌تایبه‌تی له‌ ژماره‌ی به‌شداربووان و وڵاتان، كه‌به‌ته‌نها توركیا به‌ 25 شه‌تره‌نجزان به‌شداری كردبوو، به‌و پێیه‌ی پاڵه‌وانیتییه‌كه‌ له‌لایه‌ن یه‌كێتی شه‌تره‌نجی نێوده‌وڵه‌تی FIDA دانی پێنراوه‌و سه‌رپه‌رشتی ده‌كرێت، بۆیه‌ شه‌تره‌نجزانانی به‌شداربوو زۆربه‌یان خاوه‌ن بروانامه‌ی گراندماسته‌ر GM و ریتینگی به‌رزبوون، ئه‌و ئه‌نجامانه‌ی شه‌تره‌نجزانانی یانه‌ی خانزاد و ئه‌وانی تر به‌ده‌ستیان هێنان باش بوو، به‌تایبه‌تیش له‌وه‌ی كه‌ چه‌ند شه‌تره‌نجزانێكی یانه‌ی خانزاد ئه‌مه‌ یه‌كه‌مین به‌شداری نێوده‌وڵه‌تیان بوو، به‌گشتی ئه‌و به‌شدارییه‌ خۆی له‌خۆیدا سه‌ركه‌وتنه‌ كه‌ توانیان شاره‌زایی وه‌رگرن و فێربن چۆن له‌گه‌ڵ شه‌تره‌نجزانانی بیانی رووبه‌روو ببنه‌وه‌ و له‌ سیستمی پاڵه‌وانێتیه‌كان نێوده‌وله‌تی شاره‌زابن." له‌ پاڵه‌وانێتیی نێوده‌وڵه‌تی نانا ئه‌لیكساندرا 12 وڵاتی جیهانی به‌شداریان كردبوو