پاشنیوه‌ڕۆى ئه‌مڕۆ چوارشه‌ممه‌ 22ى ئایارى 2013 به‌ ئاماده‌بوونى د. ئه‌رسه‌لان باییز سه‌رۆكى په‌رله‌مان و نێچیرڤان بارزانى سه‌رۆك وه‌زیرانى هه‌رێمى كوردستان، هه‌ردوو سه‌رۆكایه‌تیى په‌رله‌مانى كوردستان و حكوومه‌تى هه‌رێمى كوردستان له‌ ئه‌نجومه‌نى وه‌زیران كۆ بوونه‌وه‌.
له‌ كۆبوونه‌وه‌كه‌دا هاوكارى و هه‌ماهه‌نگیى‌ زیاترى نێوان په‌رله‌مانى كوردستان و حكوومه‌تى هه‌رێمى كوردستان خرایه‌ به‌ر باس و داكۆكى له‌وه‌ كرایه‌وه‌ كه‌ ئه‌و یاسایانه‌ى بۆ ژیانى خه‌ڵك ئه‌وله‌ویه‌تن و ڕه‌نگدانه‌وه‌ى ڕاسته‌وخۆیان له‌سه‌ر ژیانى خه‌ڵك هه‌یه‌؛ بخرێنه‌ ڕیزبه‌ندیى پێشه‌وه‌ى به‌رنامه‌ى‌ كارى په‌رله‌مان بۆ ئه‌وه‌ى زوو په‌سند بكرێن و تێبه‌ڕێنرێن.
له‌ به‌شێكى دیكه‌ى كۆبوونه‌وه‌كه‌دا بڕیار درا په‌له‌ بكرێت له‌ ده‌ستنیشانكردنى سه‌رۆكى ده‌زگاى چاودێریى دارایى به‌ پێى ڕێكاره‌ یاساییه‌كان. هه‌روه‌ها بڕیار درا به‌ پێى په‌یڕه‌وى ناوخۆى په‌رله‌مانى كوردستان، هه‌موو ئه‌و پڕۆژه‌ یاسایانه‌ى كه‌ لێكه‌وته‌ى داراییان هه‌یه‌، دواى وه‌رگرتنى ڕه‌زامه‌ندیى سه‌رۆكا‌یه‌تیى ئه‌نجومه‌نى وه‌زیران، ئینجا له‌ په‌رله‌مانى كوردستان بخرێته‌ به‌رنامه‌ى كاره‌وه.‌

ئه‌حمه‌د محه‌مه‌د گوته‌بێژى سه‌ربازى هێزه‌كانى سوپاى میسر له‌ لێدوانێكدا ئازادكردنى ئه‌و حه‌وت سه‌ربازه‌ى سوپاى وڵاته‌كه‌ى راگه‌یاند كه‌ له‌ چه‌ند رۆژى رابردوو له‌ دورگه‌ى سیناى میسر رفێندران.

وه‌ك ئه‌حمه‌د رایگه‌یاند: له‌ ئه‌نجامى خستنه‌گه‌ڕى هه‌وڵه‌كانى ده‌زگا هه‌واڵگرى میسر به‌ هاوكارى سه‌رۆك هۆزه‌كانى ناوچه‌ى دورگه‌ى سینا، ئه‌و حه‌وت سه‌ربازه‌ى میسر له‌لایه‌ن رفێنراوه‌كان ئازاد كران و گوتیشى: حه‌وت سه‌ربازه‌كه‌ به‌ ته‌ندروستیه‌كى باشه‌وه‌ گه‌ڕانه‌ته‌وه‌ قاهیره‌ و هاوكات سه‌رچاوه‌كانى هه‌واڵ ئه‌وه‌یان بڵاوكرده‌وه‌، كه‌ ده‌روازى ره‌فحى سنوورى نێوان میسر و كه‌رتى غه‌ززه‌ كرایه‌وه‌ كه‌ له‌ چه‌ند رۆژى رابردوو به‌ هۆى رفاندنى حه‌وت سه‌ربازه‌كه‌ى میسر له‌لایه‌ن حكوومه‌تى میسره‌وه‌ داخرا.

دەستەی راهێنەرانی هەڵبژاردەی عێراق بەفەرمی بانگهێشتی 33 یاریزانی كرد بۆ ئەوەی بەشداری لە مەشقەكانی هەڵبژاردەی عێراق بكەن بەمەبەستی خۆئامادەكردن بۆ یارییەكانی پاڵاوتن بۆ جامی جیهانی 2014  لەم لیستە پێنج یاریزانی هەولێر بانگهێشتی هەڵبژاردەكە كراون، ئەوانیش: ئەمجەد رازی، هەڵگورد مەلا محەمەد، جەلال حەسەن، هەردی سیامەند، سەعد عەبدولئەمیر. جێگەی باسە هەڵبژاردەی عێراق بەشداری لە قۆناغی كۆتایی یارییەكانی پاڵاوتن بۆ جامی جیهان و رووبەرووی هەڵبژاردەی شانشینی عوممان دەبێتەوە.