ئەمڕۆ، فەلاح مستەفا بەرپرسی پەیوەندیەكانی دەرەوەی حكومەت پێشوازی لە خاتوو لیندال ساكس باڵیۆزی ئوسترالیا لە عیراق و شاندی یاوەری كرد كە بەمەبەستی پتەوكردنی پەیوەندیە دووقۆڵیەكان سەردانی هەرێمی كوردستانیان كردبوو.
لە كۆبوونەوەیەكدا كە كاروان جەمال جێگری بەرپرسی فەرمانگە ئامادەبوو، بەرپرسی پەیوەندیەكانی دەرەوەی حكومەت خۆشحاڵی خۆی بەسەردانەكەی ناوبراو دەربڕی و پاشان پوختەیەكی لە كارو چالاكیەكانی فەرمانگە لە چوارچێوەی سیاسەتی كرانەوەی حكومەتی هەرێمی كوردستان  بە رووی ووڵاتان پێشكەش كرد.
باڵیۆزی ئوسترالیا لە عێراق ستایشی كارو هەنگاوەكانی حكومەتی كرد بۆ پتەوكردنی پەیوەندیەكانی لەگەڵ دونیای دەرەوەو دروستكردنی رەوشێكی سەقامگیرو ئارام و بایەخدان بە ئاوەدانكردنەوە و گەشەپێدانی ئابووری، كە وای كردووە سەرمایەدارانی بیانی كاری وەبەرهێنان لە هەرێم ئەنجام بدەن.
باڵیۆزی ئوسترالیا گووتی ئامانج لەسەردانەكەمان ئاشنابوون و لە نزیكەوە كاركردنە بۆ دەستەبەركردنی هەلی كار بۆ كۆمپانیا ئوسترالیەكان بۆ ئەوەی بێن لەنزیكەوە بەشداری لە پرۆسەی ئاوەدانكردنەوەی هەرێمی كوردستاندا بكەن، بەتایبەتی لە بواری نەوت و ووزە و ئاسن و ستیل دا وەكو دەروازەیەك بۆ بەشەكانی تری عیراق.

 سەرۆكی ئەنجوومەنی نیشتمانیی عێراق داوای دانیشتنێكی بەپەلەی پەرلەمان دەكات كە تێیدا وەزیری بەرگری بە وەكالەت و سەركردەی پرۆسەكانی بەغدا و دیجلەیش بانگهێشت بكرێن و تێكچوونی باری ئەمنی بخەنە بەر باس.
لە بەیاننامەیەكدا كە لە نووسینگەی سەرۆكی ئەنجوومەنی نیشتمانیی عێراق، ئوسامە نوجێفییەوە دەرچووە، هاتووە كە هه‌فته‌ی رابردوو، یه‌كێك بووه‌ له‌ هه‌فته‌ هه‌ر خوێناوییه‌كانی عیراق و ئه‌مه‌ش به‌ڵگه‌یه‌ بۆ شكستی حكوومه‌ت و ده‌زگا ئه‌منییه‌كانی عیراق له‌ پاراستنی سه‌روماڵی هاوڵاتیان.
بەیاننامەكە ئاماژەی بە ناوی هەریەك لە وەزیری بەرگریی عێراق بە وەكالەت، سەعدوون دلێمی و عەدنان ئەسەدی، فەرماندەی ئۆپەراسیۆنی بەغدا فەریق ڕوكن ئەحمەد هاشم عەودە، فەرماندەی ئۆپۆراسیۆنی دیجلە عەبدولئەمیر زەیدی داوە تا لە كۆبوونەوەكەی سێشەممەی داهاتوودا بەشدار بن و تێیدا ئاڵۆزیی ئەو بارە ئەمنییە ترسناكە بخەنە بەر باس و ڕوونكردنەوەی بڕواپێكراو و پیشەییانە بە گەلی بدەن.
 .

رۆژنامەی دایلی میلی ئینگلیزی بڵاوی كردەوە كە یانەی مان ستی و یونایتد بەوردی چاودێری یاریزانی لاوی هێڵی ناوەڕاستی یانەی بەرشلۆنە تیاگۆ ئەلكانتارا دەكەن، كە یانەی كاتەلۆنی دەیەوێت بیفرۆشێت. یانەی بەرشلۆنە ئامادەیە گفتوگۆ لەگەڵ هەردوو یانە بە بڕی 20 ملیۆن پاوەند 23 ملیۆن یۆر دەست پێ بكات. كە یانەی ئەهریمەنە سورەكان بەر لەدوو وەرز بۆندێكیان بە 12 ملیۆن یۆرۆ پێشكەش كردبوو، بەڵام لەم كاتدا یانەی بەرشلۆنە رەتیكردەوە. فێرگسۆن راهێنەری پێشووی مان یونایتد سەرسام بوو بە ئاستی ئەو یاریزانە بەڵام پێدەچێت بەوازهێنانی ئەو كارەكان بگۆڕێن چونكە یانەی ئەهریمەنە سورەكان دەبێت بۆ كڕینی ناوبراو گفتوگۆ لەگەڵ راهێنەری تازە بكات، كە لەكۆتایی ئەم وەرزە دەست بەكار دەبێت. بەڵام یانەی سیتیزن ئەوانیش چاویان بڕیوەتە ئەم یاریزانەی ئیسپانی بەرەچەلەك بەرازیلی، كە بەڕێوەبەری وەرزشی ئێستای مان سیتی پێشتر لەگەڵ لاپۆرتای سەرۆكی پێشووی بەرشلۆنە كاری كردووەو پەیوەندییەكی باشی لەگەڵ ئەم یاریزانە هەیە.