بۆ ئەنجامدانی مامەڵەیەکی تەندروست لەگەڵ رەوش و پێشھاتەکانی کوردستان یەکێتی پەرلەمانتارانی کوردستان پەیامێک بۆ رای گشتی بڵاودەکەنەوە و ئاماژە بەوە دەکەن کە باس و خواسی دەستوور نەبێتە ھۆی لێکترازانی لایەنەکانی ناو ھەرێمی کوردستان و بە شێوەیەکی عەقڵانی چارەسەر بکرێت.
له‌  پەیامی یەکێتی پەرلەمانتارانی کوردستان  دا ڕوون کردنەوە دراوە لەبارەی ئەو ئەگەر وپێشھاتانەی کە تایبەتە بە ڕەوشی نا سەقامگیری عیراق و داھاتووی کوردستان.
زانا رۆستایی ئەندامی یەکێتی پەرلەمانتارانی کوردستان گوتی: بەیاننامەکەمان بریتییە لە پێنج تەوەری سەرەکی ئەوانیش:
١- توندوتۆڵی ھێزە سیاسییەکانی ناوخۆی کوردستان و پشتیوانیکردن لە سیاسەتی نەتەوەیی.
٢- باس و خواسی دەستوور نەبێتە ھۆی لێکترازانی لایەنەکانی ناو ھەرێمی کوردستان و بە شێوەیەکی عەقڵانی چارەسەر بکرێت.
٢- ھەنگاوی جدی بنرێت بەمەبەستی دەستەبەری مافی چارەی خۆنوسین بۆ گەلی کورد.
٤- ئامادەباشی ھەرێمی کوردستان بۆ ڕووبەروبوونەوەی ھەر ئەگەرێکی لەناکاو لەناوخۆی عیراقدا.
٥- ھاندانی زیاتر بۆ ئەوەی ڕەوشی باکووری کوردستان بەشێوەیەکی زیاتر بەرەوپێشەوە بچێت و پشتیوانی لە کوردانی باکوور بکرێ

ئه‌حمه‌د محه‌مه‌د گوته‌بێژى سه‌ربازى هێزه‌كانى سوپاى میسر له‌ لێدوانێكدا ئازادكردنى ئه‌و حه‌وت سه‌ربازه‌ى سوپاى وڵاته‌كه‌ى راگه‌یاند كه‌ له‌ چه‌ند رۆژى رابردوو له‌ دورگه‌ى سیناى میسر رفێندران.

وه‌ك ئه‌حمه‌د رایگه‌یاند: له‌ ئه‌نجامى خستنه‌گه‌ڕى هه‌وڵه‌كانى ده‌زگا هه‌واڵگرى میسر به‌ هاوكارى سه‌رۆك هۆزه‌كانى ناوچه‌ى دورگه‌ى سینا، ئه‌و حه‌وت سه‌ربازه‌ى میسر له‌لایه‌ن رفێنراوه‌كان ئازاد كران و گوتیشى: حه‌وت سه‌ربازه‌كه‌ به‌ ته‌ندروستیه‌كى باشه‌وه‌ گه‌ڕانه‌ته‌وه‌ قاهیره‌ و هاوكات سه‌رچاوه‌كانى هه‌واڵ ئه‌وه‌یان بڵاوكرده‌وه‌، كه‌ ده‌روازى ره‌فحى سنوورى نێوان میسر و كه‌رتى غه‌ززه‌ كرایه‌وه‌ كه‌ له‌ چه‌ند رۆژى رابردوو به‌ هۆى رفاندنى حه‌وت سه‌ربازه‌كه‌ى میسر له‌لایه‌ن حكوومه‌تى میسره‌وه‌ داخرا.

دەستەی راهێنەرانی هەڵبژاردەی عێراق بەفەرمی بانگهێشتی 33 یاریزانی كرد بۆ ئەوەی بەشداری لە مەشقەكانی هەڵبژاردەی عێراق بكەن بەمەبەستی خۆئامادەكردن بۆ یارییەكانی پاڵاوتن بۆ جامی جیهانی 2014  لەم لیستە پێنج یاریزانی هەولێر بانگهێشتی هەڵبژاردەكە كراون، ئەوانیش: ئەمجەد رازی، هەڵگورد مەلا محەمەد، جەلال حەسەن، هەردی سیامەند، سەعد عەبدولئەمیر. جێگەی باسە هەڵبژاردەی عێراق بەشداری لە قۆناغی كۆتایی یارییەكانی پاڵاوتن بۆ جامی جیهان و رووبەرووی هەڵبژاردەی شانشینی عوممان دەبێتەوە.