مەریوان نەقشبەندی بەڕێوبەری راگەیاندنی وەزاەرتی ئەوقاف وکاروباری ئاینی حکوومەتی ھەرێمی کوردستان بەkdp.infoراگەیاند: ئەو مامۆستایانەی بەشداریان کردووە لەو روونکردنەوەی پێش چەند رۆژێک بلاو کراوە بۆ گەرانەوەی دەستور بۆ پەرلەمانی کوردستان بەدەرە لە پرۆسەی مامۆستایەتی و فەرمانبەری وەزاەرتی ئەوقاف، چونکە ئەمە پرسێکی سیاسییە و حزبە سیاسیەکان باسی لێوە دەکەن، بۆیە پەیوەندی بەمامۆستایانی ئاینیەوە نییە و ئەو مامۆستایانەی ئەو روونکردنەوەیان بڵاو کردۆتەوە سەر بە لایەنی سیاسین و ھیچ پەیوەندیان لەو حالەتەدا بە وەزارەتی ئەوقاف نییە .
مەریوان نەقشبەندی گوتیشی: لەکاتی بڵاو کردنەوەی ئەو روونکردنەوە ئەو مامۆستایانە پرسیان بە وەزارەتی ئەوقاف نەکردووە، بۆیە وەزارەت لێی بەرپرسیار نییە.
نەقشبەندی جەختیشی کردەوە، کەوا بەھیچ شێوەیەک رێگا نادەن مینبەری مزگەوتەکان بۆ بابەتی سیاسی بەکاربێنن.
پێش چەند رۆژێک ژمارەیەک مامۆستای ئاینی لە روونکردنەوەی داوایانکرد پڕۆژە یاسای دەستور بگەرێندرێتەوە پەرلەمانی کوردستان.

سەرۆکی‌ رەوتی‌ سەدر سەرەخۆشی‌ خۆی‌ پێشکەش بە گەلی‌ عێراق کرد بەهۆی‌ گیانلەدەستدانی‌  پەرلەمان لەسەر دەستی‌ بەرپرسە گەورەکان.
 موقتەدا سەدری‌ سەرۆکی‌ رەوتی‌ سەدر لە بەیاننامەیەکدا کە دوێنێ‌ سێ شەممە بڵاوی کردۆتەوە، رایگەیاندووە، بەبۆنەی‌ مردنی‌ پەرلەمانی‌ عێراقەوە لەسەردەستی‌ گەورە بەرپرسانی‌ ئەم وڵاتە، سەرەخۆشی‌ خۆم ئاراستەی‌ گەلی‌ عێراق دەکەم.
 هەروەها  لە بەیاننامەکەی‌ سەرۆکی‌ رەوتی‌ سەدردا هاتووە کە بارودۆخی‌ ئەمنی‌ عێراق لەو پەڕی‌ خراپیدایە و پێویستە لەسەر لایەنە بەرپرسەکان بە زووترین کات پاکسازی‌ لە دەزگا ئەمنییەکاندا بکەن بۆ گەڕانەوەی‌ هەیبەتی‌ عێراق و پێویستە لەسەر دەوڵەتانی‌ دراوسێش‌ دەست وەرنەدەنە کاروباری‌ ناوخۆی‌ عێراقەوە.
 شایەنی باسە جگە لە وەسفکردنی ئەنجوومەنی نوێنەرانی عێراق بە پەرلەمانێکی مردوو لەلایەن سەرۆکی ڕەوتی سەدڕەوە، ناوبراو ئامادەیی‌ خۆشی‌ بۆ هەر دەست پێشخەریەک نیشانداوە کە هەر لایەنێک یان کەسایەتییەکی‌ عێراق هەیەتی‌ بۆ چاککردنی‌ بارودۆخی‌ عێراق و داوا لە لایەنە سیاسیەکان دەکات دەست بەکەنەوە بە دانیشتن و گفتوگۆکان لەبەر بەرژەوەندیەکانی‌ گەلی‌ عێراق .

دەستەی راهێنەرانی هەڵبژاردەی عێراق بەفەرمی بانگهێشتی 33 یاریزانی كرد بۆ ئەوەی بەشداری لە مەشقەكانی هەڵبژاردەی عێراق بكەن بەمەبەستی خۆئامادەكردن بۆ یارییەكانی پاڵاوتن بۆ جامی جیهانی 2014  لەم لیستە پێنج یاریزانی هەولێر بانگهێشتی هەڵبژاردەكە كراون، ئەوانیش: ئەمجەد رازی، هەڵگورد مەلا محەمەد، جەلال حەسەن، هەردی سیامەند، سەعد عەبدولئەمیر. جێگەی باسە هەڵبژاردەی عێراق بەشداری لە قۆناغی كۆتایی یارییەكانی پاڵاوتن بۆ جامی جیهان و رووبەرووی هەڵبژاردەی شانشینی عوممان دەبێتەوە.