له‌شارى هه‌ولێر یه‌كێتى نووسه‌رانی كورد  كۆرێكى بۆ دكتۆر فواد حسین سه‌رۆكى دیوانى سه‌رۆكایه‌تى هه‌رێم له‌ژێر ناونیشانى كوردستان له‌روانگه‌ى په‌یوه‌ندیه‌كانى نێو ده‌وڵه‌تى سازكرد.
له‌و كۆره‌دا كه‌ ژماره‌یه‌ك له‌ سیاسه‌تمه‌داران و رۆشنبیران و نووسه‌ران ئاماده‌بوون، دكتۆر فواد حسین باسى له‌ قۆناغه‌ جیاجیاكانى شۆرشى كورد و كاریگه‌ریان له‌سه‌ر دروستكردنى رۆژگارى ئه‌مرۆ كرد ، تایبه‌ت به‌بوارى په‌یوه‌ندیه‌كانیش له‌سه‌ره‌تاى شۆرشه‌كانه‌وه‌ ئاماژه‌ى بۆ ئه‌وه‌ كرد كه‌ ئه‌وكات په‌یوه‌ندیه‌كانى كورد به‌دونیاى ده‌ره‌وه‌ په‌یوه‌ندیه‌كى ساده‌و ساكار بووه‌، یان له‌رێگه‌ى ژماره‌یه‌ك گه‌ریده‌و رۆژنامه‌نووس بووه‌ یاخود له‌رێگه‌ى رێكخراو گه‌لى مافى مرۆڤه‌وه‌، ته‌نانه‌ت مه‌سه‌له‌ى كوردیش ئه‌و كات وه‌ك مه‌سه‌له‌یه‌كى مرۆیى ته‌ماشا كراوه‌.
هه‌روه‌ها ئه‌وه‌ى خسته‌روو كه‌ كیمیابارانكردنى هه‌ڵه‌بجه‌و ئه‌نفال و كۆڕه‌وه‌ ملیۆنیه‌كه‌ى خه‌ڵكى كوردستان به‌ وه‌رچه‌رخانێكى گرنگ له‌مێژووى كوردا داده‌نرێن كه‌ قه‌زیه‌ى میلله‌تى كوردى وه‌ك میلله‌تێكى چه‌وساوه‌ى سته‌ملێكراو به‌ دونیا ناساند، له‌دواى رووخانى رژێمى به‌عس و گێڕانى رۆڵێكى ئه‌كتیڤ له‌لایه‌ن سه‌ركردایه‌تى كورده‌وه‌ له‌ به‌غدا، ئیتر بارودۆخه‌كه‌ پێى نایه‌ قۆناغێكى نوێوه‌ و هه‌رێمى كوردستان وه‌ك هه‌رێمێكى ده‌ستوورى په‌یوه‌ندیه‌كانى خۆى له‌گه‌ڵ دونیاى ده‌ره‌وه‌ په‌ره‌ پێداو به‌ هۆى كاریگه‌رى سه‌ركردایه‌تى سیاسى كورد و رۆڵى جالیه‌ى كورد له‌ده‌ره‌وه‌ و به‌هێزى ئابوورى ناوخۆى هه‌رێمى كوردستان به‌تایبه‌تى دواى ده‌رهێنانى نه‌وت، په‌یوه‌ندیه‌كانى هه‌رێمى كوردستان رۆژ دواى رۆژ گه‌شه‌ ده‌كات.

ئه‌یاد عه‌للاوى سه‌رۆكى لیستى عێراقییه‌ هێرشێكى توندى كرده‌ سه‌ر نورى مالیكى سه‌رۆكى ئه‌نجوومه‌نى وه‌زیرانى عێراق و ڕایگه‌یاند: مالیكى به‌رپرسیاریه‌تى له‌ ئه‌ستۆ ناگرێت و گوێ به‌ شه‌هیدان و كه‌س و كاریان نادات.

له‌ میانى لێدوانێكیدا ئه‌یاد عه‌لاوى ڕایگه‌یاند ئاماده‌نه‌بوونى نورى مالیكى به‌ سیفه‌تى فه‌رمانده‌ى گشتیى هێزه‌ چه‌كداره‌كان ماناى ئه‌وه‌یه‌ مالیكى به‌رپرسیاریه‌تى له‌ ئه‌ستۆ ناگرێت و گوێش به‌ شه‌هیدان و كه‌س و كاریان نادات.

دەستەی راهێنەرانی هەڵبژاردەی عێراق بەفەرمی بانگهێشتی 33 یاریزانی كرد بۆ ئەوەی بەشداری لە مەشقەكانی هەڵبژاردەی عێراق بكەن بەمەبەستی خۆئامادەكردن بۆ یارییەكانی پاڵاوتن بۆ جامی جیهانی 2014  لەم لیستە پێنج یاریزانی هەولێر بانگهێشتی هەڵبژاردەكە كراون، ئەوانیش: ئەمجەد رازی، هەڵگورد مەلا محەمەد، جەلال حەسەن، هەردی سیامەند، سەعد عەبدولئەمیر. جێگەی باسە هەڵبژاردەی عێراق بەشداری لە قۆناغی كۆتایی یارییەكانی پاڵاوتن بۆ جامی جیهان و رووبەرووی هەڵبژاردەی شانشینی عوممان دەبێتەوە.