سەفین دزەیی: مانگی 6 كەمتر نەوتمان هەناردە كردووە
بەلجیکا پوولێکی تایبەت بە کوردستان چاپ دەکات
خشته‌ی كاره‌بای مانگی ته‌مموز ڕاگه‌یه‌ندرا

PDF Newspaper
Issue :
4836
Date:
2015-07-02
زیاتر بخوێنه‌وه‌

٢٣ـی حوزێران ئیلتیزامنەكردن بوو بە بەڵێنەكان.. پۆستی سەرۆكایەتیی كۆمار بەرانبەر سەرۆكایەتیی هەرێمە

 فازڵ میرانی رایگەیاند، "ئەوەی لە 23ـی حوزەیران ڕووی دا، ئیلتیزامنەكردن بوو بە بەڵێنەكان"، جەختیشی کردەوە کە پارتی و یەكێتی ئیتیفاقیان هەیە کە، پۆستی سەرۆكایەتیی كۆمار بەرانبەر سەرۆكایەتیی هەرێمە.
(فازڵ میرانی) سكرتێری مەكتەبی سیاسیی پارتیی دیموكراتی كوردستان، لە چوارچێوەی بەشداریكردنی لە بەرنامەی كۆتایی هەفتەی "كوردستان تی ڤی"ـیدا كە دوێشەو پەخش كرا، باسی لە بارودۆخی ناوخۆی هەرێمی كوردستان و پرۆسەی سیاسیی هەرێم كوردستان و پرسی سازان لە نێوان لایەنەكان و هەروەها گۆڕانكارییەكانی ناوچەكەی كرد.
(میرانی) لە بەرایی گوتەكانیدا ڕایگەیاند، خودی پەرلەمان پێشتر بڕیاری دابوو كە ئەو پرسانەی ڕەهەندی نیشتمانییان هەیە دەبێ بە سازان یەكلا بكرێنەوە، نەك بە زۆرینە و كەمینە، چونكە بە گوێرەی تەوافوق كابینەی هەشت پێك هاتووە و سەرۆككۆمار بەر كورد كەوتووە. هاوكات بە هۆی ئەوەی دۆخی ئێستای كوردستان بە قۆناخێكی زۆر هەستیاردا تێپەڕ دەبێت لەبەر زۆر هۆكار، بۆیە پێویستە كێشەكان و پرسەكان بە سازان چارە بكرێن و هەروەها ئەوەی لە 23ـی حوزەیران ڕووی دا، دەرچوون بوو لە سازان و قابیلی قبووڵ نییە.
 

توركیا هێزێكی زۆری له‌سه‌ر سنور كۆكردۆته‌وه‌

 سه‌رله‌به‌یانی ئه‌مڕۆ توركیا هێزێكی زۆری به‌درێژایی به‌شێك له‌سنوره‌كانی له‌گه‌ڵ سوریادا كۆكردۆته‌وه‌. ئه‌و هه‌نگاوه‌ی توركیا له‌كاتێكدایه‌ كه‌ شه‌ڕو پێكدادان له‌ باكوری شاری حه‌له‌ب به‌ته‌واوی په‌ره‌ی سه‌ندووه.
له‌مباره‌یه‌وه‌ “ئه‌حمه‌د داود ئۆغڵۆ” سه‌رۆكوه‌زیرانی توركیاش ده‌ڵێت:   هیچ پلانێكی خێرامان بۆ ده‌ستوه‌ردانی سه‌ربازی نییه‌.

سه‌رچاوه‌ ئه‌منییه‌كان و به‌رپرسانی باڵا له‌ئه‌نكه‌ره‌، به‌میدیاكانیان ڕاگه‌یاند:   سوپای توركیا له‌چه‌ند كاتژمێری ڕابردوودا، جموجوڵه‌كانی له‌سنوره‌كانی توركیا زیاتر كردووه‌، له‌ڕێی ناردنی هێزی تایبه‌ت و كه‌لوپه‌لی سه‌ربازییه‌وه‌. به‌تایبه‌ت له‌دوای ئه‌وه‌ی شه‌ڕی قورس له‌ باكوری شاری حه‌له‌ب ته‌واو چڕ بووه‌ته‌وه‌”.

سه‌رباری جموجوڵی نائاسایی سوپای توركیا له‌سه‌ر سنور، دوێنێ پێنج شه‌ممه‌، سه‌رۆكوه‌زیرانی ئه‌و وڵاته‌ به‌ كه‌ناڵی حه‌وتی ته‌له‌فزیۆنی وڵاته‌كه‌ی ڕاگه‌یاند: ” ڕاسته‌ ئێمه‌ بۆ پاراستنی سنوره‌كانمان، ڕێوشوێنمان گرتۆته‌به‌ر، فه‌رمانیشمان كردووه‌ به‌وه‌ی هه‌ر پێشهاتێك ڕوویدا كه‌ مه‌ترسی له‌سه‌ر ئاسایشی توركیا دروست بكات، ده‌ستوه‌ردان بكرێت”.

پێكهاتەی نمونەیی و باشترین یاریزانی قۆناغی نیوەی كۆتایی كۆپا ئەمریكا دیاریكرا

دوای كۆتاییهاتنی یارییەكانی قۆناغی نیوەی كۆتایی پاڵەوانێتی كۆپا ئەمریكای 2015 و سەركەوتنی هەڵبژاردەكانی چیلی و ئەرجەنتین بۆ یاری كۆتایی كه‌وا بریاره‌ سبه‌ی ئه‌نجام بدرێت، پێكهاتەی نمونەیی و باشترین یاریزانی ئەو قۆناغە دیاریكرا.
لە پێكهاتەكەدا حەوت یاریزانی ئەرجەنتین و سێ یاریزانی چیلی و هەروەها یاریزانێكی پیرۆی تێدایە ، لیۆنێل میسی كاپتن و ئەستێرەی تانگۆش وەك باشترین یاریزان هەڵبژێردراوە و لەكۆی 10 خاڵ 9.98 خاڵی بەدەستهێناوە.

ئەمەش پێكهاتەكەیە :
گۆڵچی : براڤۆ – چیلی
بەرگری : ڕۆخۆ – ئەرجەنتین ، ئۆتامێندی – ئەرجەنتین ، دیمیكیلیس – ئەرجەنتین ، ئەدڤینكۆلا – پیرۆ
ناوەند: دی ماریا – ئەرجەنتین ، ڤاڵدیڤیا – چیلی ، پاستۆری – ئەرجەنتین ، میسی – ئەرجەنتین
هێرشبەر: ڤارگاس – چیلی ، ئەگوێرۆ – ئەرجەنتین