Muhsin Xalidî: Le Yarî kotayî xulî bijardey yanekanî Iraqî Federal bo topî pê ke duwênê şew le yarîgay Şe'bî Nêwdewletî berêweçû, yaney Duhok be encamî golêkî bê beramber le yaney Telebey Bexday birdewe û bo yekemcar le mêjuwî yanekeda, camî palewanêtî berizkirdewe.

Duway ewey yaney Hewlêr 3 sal le duway yek tuwanî palewanêtî xulî nayabî topî pêyî Iraq be destbênê û emsalîş neytuwanî bew awate bigat, belam helo zerdekanî yaney Duhok, le şarî Bexda gerdelûlêkiyan sazkird û tuwaniyan karêkî gewre encam biden û carêkî dîke yaneyekî Herêmî Kurdistan lutkey topî pêyî Iraqî Federal dagîr bikat.

Gêmî yekemî yariyeke be bê gol yeksan bû bo herdûla, belam le gêmî duwem, yaney Duhok çendîn hêrişî metirsîdarî encamda, ta le xulekî 82 Xalid Muşîr Kaptinî yaneke, tuwanî golêkî ciwan tomar bikat û ew take goleş bo geyîştin be palewanêtî xuleke bes bû.

Dîsan Herêmî Kurdistan selmandî ke wêray awedanî û hewildan bo xoşguzeranî xelk, hawkat giringiyekî taybetî be werziş dawe û 4 sal palewanêtî yanekanî Hewlêr û Duhok, selmênerî ew rastiyen.